نۇر-سۇلتان قالاسىنىڭ باس سانيتارلىق دارىگەرى جاننا پىراليەۆا سوڭعى بەس اپتا ىشىندە كوروناۆيرۋس جۇقتىرعاندار جايىندا ءمالىم ەتتى, دەپ حابارلايدى Egemen.kz.
"سوڭعى 5 ىشىندە اۋرۋحاناعا ءوزى جۇگىنگەن جانە ۇيدە بايلانىستا بولعان ناۋقاستار قاتارى ءوسىپ وتىر. بۇل دەگەنىمىز قالا تۇرعىندارىنىڭ ساقتىق شارالارىن ساقتاماعانىن بىلدىرەدى. ماسەلەن, سوڭعى 5 اپتادا تىركەلگەندەردىڭ 38 پايىزى مەديتسينالىق كومەككە جۇگىنگەن كەزدە انىقتالدى, ال 35 پايىزى ناۋقاستارمەن بايلانىس بويىنشا زەرتحانالىق تەكسەرۋ كەزىندە انىقتالعان, سونداي-اق 27 پايىزى (160 جاعداي) پروفيلاكتيكالىق تەكسەرۋ كەزىندە تىركەلدى. بايلانىس جاعدايلارىنىڭ اراسىندا ءۇي وشاقتارىندا ينفەكتسيا باسىم بولادى جانە ستاتسيونارداعى جۇمىس بويىنشا 8 پايىز", - دەدى ج. پىراليەۆا.
ونىڭ ايتۋىنشا, وقۋ ءجىلىنىى باسىنان بەرى ەلوردادا 45 وقۋشى ىندەت جۇقتىرعان, ونىڭ ىشىندە 39-ى قاشىقتان وقىپ جاتقاندار.
"وقۋ جىلىنىڭ باسىنان بەرى بارلىعى 47 مەكتەپ وقۋشىسى ىندەت جۇقتىردى, ونىڭ 39-ى قاشىقتان ءبىلىم الىپ جاتقاندار. بايلانىستا بولعاندار اراسىندا ىندەت تىركەلگەن جوق. سونداي-اق قاشىقتان وقىپ جاتقان 12 ستۋدەنت, باسقا سالالاردا جۇمىس ىستەيتىن 290 (ونىڭ ىشىندە 121-ءى قاشىقتان) ادام, جۇمىس ىستەمەيتىن 164 تۇرعىن, زەينەتكەرلەر ساناتىنداعى 78 ادام كوروناۆيرۋس جۇقتىردى", - دەدى ول.