تالىمگەرلىك ينستيتۋتى تيىمدىلىگىن كورسەتۋدە

دەپارتامەنت باسشىسىنىڭ ورىنباسارى رايحان براتاەۆا جاستاردى دامۋدىڭ قوزعاۋشى كۇشى, قوعامنىڭ الدەقايدا بەل­سەندى, باستاماشىل توبى ەكە­نىن, سوندىقتان دا مەملەكەتتىك قىزمەتتە جاس ماماندارعا ەرەك­شە كوڭىل بولىنەتىنىن جانە سىناق كەزەڭىندە ولارعا جىلدام بەيىمدەلۋ ءۇشىن تالىمگەرلەر تاعايىندالاتىنىن اتاپ ءوتتى.

«تالىمگەرلىك ينستيتۋتى  – جاس مەملەكەتتىك قىزمەت­شىلەردىڭ كاسىبيلىگىن ارتتىرۋ­دىڭ قوزعاۋشى كۇشى. جىل باسىنان بەرى 261 جاس مامان تالىمگەرلىكپەن قامتىلدى», دەپ ر.براتاەۆا اتاپ ءوتتى.

ءىس-شارادا دەپارتامەنت ۇيىمداستىرعان, ال­عاش رەت قابىلدانعان مەم­لە­­كەت­تىك قىزمەتشىلەر ارا­سىن­­دا وتكىزىلگەن جاسىرىن ونلاين ساۋالدامانىڭ قورى­تىندىلارى ۇسىنىلدى. ساۋال­­­داماعا قاتىسقان جاس ما­­مان­داردىڭ 98,5%-ى تالىم­­­گەرلىك ينستيتۋتىنىڭ تيىم­دىلىگىنە وڭ باعا بەردى.

تالىمگەرلەر تالىمگەرلىك قىزمەتتى ۇيىمداستىرۋداعى ءوز تاجىريبەلەرىمەن, كاسىبي بەيىمدەلۋ سالاسىنداعى يدەيا­لارىمەن جانە كەڭەستەرىمەن ءبولىستى. TEDx-ءتىڭ العاش­قى سپيكەرى رەتىندە جارقا­يىڭ اۋدانى اكىمى اپپاراتى­نىڭ بىرىڭعاي پەرسونالدى باسقارۋ قىزمەتىنىڭ باسشىسى نيكولاي پودرەزوۆ ءسوز سويلەپ, تالىم­گەرلىكتى ۇيىمداستىرۋ كەزىن­دەگى وزەكتى ماسەلەلەردى ءجيى تالقىلاۋعا ەرەكشە نازار اۋداردى. ونىڭ ايتۋىنشا, بۇل وزگەرىستەرگە ۋاقتىلى دەن قويۋعا جانە جەدەل شەشىمدەر قابىلداۋعا مۇمكىندىك بەرەدى.

اقمولا وبلىسى قۇرىلىس باس­قارماسى باسشىسىنىڭ ورىن­باسارى ەلەنا يسكاكوۆا قو­يىلعان ماقساتقا جەتۋ ءۇشىن ءوز ءبىلىمىن ۇنەمى تولىقتىرىپ وتى­­رۋ, ءوزىن-ءوزى دامىتۋمەن اي­نا­لىسۋ, ۇجىمنىڭ قوعامدىق ومى­رى­نە بەلسەندى قاتىسۋ جانە پات­ريوت بولۋ قاجەتتىگىن اتاپ ءوتتى.

ر.براتاەۆا ە.يسكاكوۆا­نىڭ مانساپتىق ىلگەرىلەۋدىڭ جارقىن مىسالى ەكەنى, مەم­لەكەتتىك قىزمەت جۇيە­سىندە 20 جىلدان استام ۋاقىت جۇمىس ىستەپ, ءوز قىزمەتىن باس مامان لاۋازىمىنان باستاعانىن اتاپ ءوتتى.

زەرەندى اۋدانى اكىمى اپپارا­تىنىڭ بىرىڭعاي پەرسو­نالدى باسقارۋ قىزمەتى­نىڭ باسشىسى جاننا يب­رايموۆا ءوزىنىڭ تالىمگەر­لىك قىزمەتىندەگى جەكە تاجىريبە­سىمەن ءبولىستى. «مەملەكەتتىك قىز­مەتكە العاش كەلگەن كەز­دە جۇمىستا بەلگىلى ءبىر قيىن­دىقتاردى باستان كەشىر­دىم. تالىمگەر ماعان وسى قيىن­دىقتاردان سۇرىنبەي وتۋگە كومەكتەستى. ەكى جىلدان كەيىن مەن كادر قىزمەتىنىڭ باسشىسى بولىپ تاعايىندالدىم جانە مەنىڭ وسىلاي كاسىبي تۇرعىدا ءوسۋىم تالىمگەرلىك ينستيتۋتىنىڭ ارقاسىندا بولدى. بۇگىنگى تاڭدا مەن جاس مامانداردىڭ تاربيەسىنە زور كوڭىل بولەمىن», دەيدى ج.يبرايموۆا.

ءىس-شارا سوڭىندا مەملە­كەت­تىك قىزمەتكە العاش قادام باسقان جاس ماماندار TEDx-ءتى ۇيىمداستىرعانى ءۇشىن ريزاشىلىعىن ءبىلدىردى.

«مەن ءۇشىن تالىمگەردىڭ ءرولى قۇندى. ول ارقاشان كۇر­­دەلى مىندەتتەردى شەشۋگە كومەك­تەسەدى, پايدالى كە­ڭەس­تەر بەرەدى. كاسىبي قول­داۋ­دى سەزىنۋ وتە ماڭىزدى», دەي­دى سىناقتان ءوتىپ جاتقان مەم­لەكەتتىك قىزمەتشىلەردىڭ ءبىرى.

ءىس-شاراعا قاتىسۋشىلار وزدەرىن تولعاندىرعان سۇراق­تارىن قويدى.

«اعا بۋىننىڭ جيناقتال­عان كوپ جىلدىق تاجىريبەسى قىزمەتكەرلەردىڭ جاس بۋىنى ءۇشىن ارقاشان ماڭىزدى بولعان جانە بولىپ قالا بەرەدى. بۇگىنگى ءىس-شارا تالىمگەرلەر ءۇشىن دە, جاس مەملەكەتتىك قىزمەتكەرلەر ءۇشىن دە پايدالى بولدى دەپ ويلايمىز», دەيدى جيىندى ۇيىمداستىرۋشىلار.

جازيرا توقتار,

مەملەكەتتىك قىزمەت ىستەرى اگەنتتىگى اقمولا وبلىسى بويىنشا دەپارتامەنتىنىڭ قىزمەتكەرى