2026 جىلعى 15 ناۋرىزعا بەلگىلەنگەن رەسپۋبليكالىق رەفەرەندۋمنىڭ الدىن الا بيۋدجەتى جاريالاندى, دەپ حابارلايدى Egemen.kz.
ورتالىق رەفەرەندۋم كوميسسياسىنىڭ مۇشەسى ميحايل بورتنيكتىڭ ايتۋىنشا, شىعىنداردىڭ 75 پايىزى ۋچاسكەلىك كوميسسيا مۇشەلەرىنىڭ ەڭبەكاقىسىن تولەۋگە جۇمسالادى.
«قازىرگى ۋاقىتتا سمەتا قارجى مينيسترلىگىنىڭ تالقىلاۋى مەن ساراپتاماسىندا. الداعى ساعاتتاردا رەفەرەندۋم شىعىندارىنىڭ ناقتى كولەمى بەلگىلى بولادى دەپ ويلايمىن. الدىن الا ەسەپ بويىنشا رەفەرەندۋم وتكىزۋگە 20,8 ملرد تەڭگە قاجەت. ايتا كەتۋ كەرەك, بۇل قاراجات 2026 جىلعا ارنالعان رەسپۋبليكالىق بيۋدجەتتە قاراستىرىلماعان. سوندىقتان قارجى ۇكىمەتتىڭ رەزەرۆىنەن بولىنەدى», دەدى ول بريفينگتە.
ايتا كەتەيىك, بيىلعى جىلدىڭ 1 قاڭتارىنداعى جاعداي بويىنشا تۇرعىلىقتى جەرى بويىنشا تۇراقتى تىركەلگەن 12 416 759 ازامات سايلاۋشىلار تىزىلىمىنە ەنگىزىلدى.
رەفەرەندۋمنىڭ كۇنتىزبەلىك جوسپارى بەكىتىلدى: داۋىس بەرۋ 15 ناۋرىزدا وتەدى