قاسىم-جومارت توقاەۆ تامبلەر-ريدج قالاسىنداعى ورتا مەكتەپتە بولعان اتىس سالدارىنان جازىقسىز ادامداردىڭ قازا تابۋىنا بايلانىستى كانادا پرەمەر-ءمينيسترى مارك كارنيگە كوڭىل ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قازاقستان پرەزيدەنتى كانادا حالقىنىڭ قايعىسىنا ورتاق ەكەنىن جەتكىزىپ, قايتىس بولعان ازاماتتاردىڭ وتباسىلارىن سابىرعا شاقىردى, سونداي-اق زارداپ شەككەن ادامداردىڭ تەزىرەك ساۋىعىپ كەتۋلەرىنە تىلەكتەستىگىن ءبىلدىردى», دەلىنگەن حابارلامادا.
ايتا كەتەيىك, بۇعان دەيىن پرەزيدەنت قاسىم-جومارت توقاەۆ جاپونيانىڭ سولتۇستىك وڭىرىندە جاۋعان قالىڭ قار سالدارىنان كوپتەگەن ادامنىڭ قازا تابۋىنا بايلانىستى پرەمەر-مينيستر ساناە تاكايچيگە كوڭىل ايتۋ جەدەلحاتىن جولداعان ەدى.