قازاقستان قۇراماسى بالقان ماتەماتيكالىق وليمپياداسىندا ءساتتى ونەر كورسەتىپ, جالپى كوماندالىق ەسەپتە 24 ەلدىڭ اراسىندا 6-ورىنعا تۇراقتادى. وتانداستارىمىز حالىقارالىق دودادا 1 التىن, 2 كۇمىس جانە 3 قولا مەدال جەڭىپ الدى, دەپ جازادى Egemen.kz.
جارىستىڭ التىن مەدالىن مۇرات تيمۋر يەلەندى. ول – Haileybury Almaty مەكتەبىنىڭ 12-سىنىپ وقۋشىسى.
كۇمىس مەدال الياسقار سۇلتانالىگە بۇيىردى. ول ءاستانانىڭ بىلىم-يننوۆاتسيا ليتسەي-ينتەرناتىنىڭ 10-سىنىبىندا وقيدى.
حالىقارالىق ءبىلىم بايگەسىندە قازاقستان وقۋشىلارى 100% ناتيجە كورسەتتى
ال قولا جۇلدەنى قازاقستاننىڭ 4 وقۋشىسى ەنشىلەدى. اتاپ ايتقاندا, ورىنباسار بەردىبەك – اتىراۋ وبلىستىق ءبىلىم-يننوۆاتسيا ليتسەي-ينتەرناتىنىڭ 11-سىنىپ وقۋشىسى, باتىرحان بەيگانوۆ – رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى (الماتى قالاسى), الي ەركەبۇلان ۇلى – Nurorda مەكتەبىنىڭ 11-سىنىپ وقۋشىسى (الماتى قالاسى) جانە ارنۇر انساتوۆ – №9 ءبىلىم-يننوۆاتسيا ليتسەي-ينتەرناتىنىڭ 11-سىنىپ وقۋشىسى (قىزىلوردا وبلىسى).
قازاقستان وقۋشىلارىنىڭ بۇل جەتىستىگى ەلدىڭ ماتەماتيكالىق ءبىلىم بەرۋ دەڭگەيىنىڭ جوعارى ەكەنىن تاعى ءبىر مارتە كورسەتتى.
روبوتوتەحنيكا دوداسى: قازاقستان وقۋشىلارى ەكى بىردەي باستى ماراپاتقا يە بولدى