الماتىدا حورۆاتيانىڭ شاڭعى سپورتى قاۋىمداستىعىنىڭ بۇرىنعى باسشىسى ۆەدران پاۆلەك ۇستالدى. ول ءوز ەلىندە شامامەن 30 ميلليون ەۋرونى زاڭسىز شىعارۋعا قاتىستى كۇدىككە ىلىنگەن, دەپ حابارلايدى Egemen.kz.
حورۆاتيانىڭ ادىلەت ءمينيسترى دامير حابياننىڭ مالىمەتىنشە, قازىر پاۆلەكتى ەلىنە ەكستراديتسيالاۋ جۇمىستارى باستالعان. بۇل باعىتتا قازاقستاننىڭ ارنايى قىزمەتتەرىمەن بىرلەسكەن جۇمىس جۇرگىزىلىپ جاتىر.
تەرگەۋ نۇسقاسىنا سايكەس, ۆەدران پاۆلەك قارجى جىمقىرۋ سحەماسىنا قاتىسقان بولۋى مۇمكىن. قىلمىستىق ءىس ناۋرىز ايىنىڭ سوڭىندا قوزعالعان. وسىدان از ۋاقىت بۇرىن ول شاڭعى قاۋىمداستىعىنداعى قىزمەتىنەن كەتكەن.
شەتەلدىك باق-تىڭ حابارلاۋىنشا, پاۆلەك الدىمەن تۇركيادا بولعان, كەيىن ىستانبۇل مەن دۋباي ارقىلى قازاقستانعا جەتكەن. الماتىدا شامامەن 10–15 كۇن جۇرگەنى ايتىلادى.
قازىرگى ۋاقىتتا رەسمي ورگانداردان قوسىمشا اقپارات كۇتىلۋدە.
ايتا كەتەيىك, بەينەباقىلاۋ كامەرالارىنىڭ كومەگىمەن پەتروپاۆلدا ەكى پاتەردى ءبىر ادىسپەن توناعان 55 جاستاعى كۇدىكتى ۇستالىپ, قاماۋعا الىندى.
ەلىمىزدە ەسىرتكى بيزنەسىمەن اينالىسقان 76 شەتەل ازاماتى قولعا ءتۇستى.