قازاقستاندا ۇلتتىق قاۋىپسىزدىك كوميتەتىنىڭ (ۇقك) قۇزىرەتى كەڭەيتىلۋى مۇمكىن. قازىرگى ۋاقىتتا بىرقاتار پرەزيدەنت جارلىقتارىنا وزگەرىستەر ەنگىزۋ قاراستىرىلىپ جاتىر. بۇل وزگەرىستەر ۇقك, شەكارا قىزمەتى, انتيتەررورلىق ورتالىق جانە ۇلتتىق قاۋىپسىزدىك سالاسىنداعى وزگە قۇرىلىمداردىڭ جۇمىسىنا قاتىستى, دەپ حابارلايدى Egemen.kz.
جاڭا تۇزەتۋلەرگە سايكەس, ۇقك-ءنىڭ تسيفرلاندىرۋ, كيبەرقاۋىپسىزدىك جانە جاساندى ينتەللەكت سالالارىنداعى وكىلەتتىگى ارتادى. اتاپ ايتقاندا, كوميتەت كريتيكالىق تسيفرلىق ينفراقۇرىلىم وبەكتىلەرىنىڭ كيبەرقاۋىپسىزدىگىن باقىلاۋعا مۇمكىندىك الادى.
سونىمەن قاتار, ۇقك مەملەكەتتىك ورگانداردىڭ تسيفرلىق جۇيەلەرىنەن دەرەكتەر الۋعا, قورعالعان اقپاراتتىق جۇيەلەردى دامىتۋعا, قۇپيا قۇجاتتارمەن جۇمىس ىستەۋگە جانە «ەلەكتروندى ۇكىمەتتىڭ» ينتەرنەت پەن پوشتاعا بىرىڭعاي ءشليۋزىن ۇيلەستىرۋگە قاتىسا الادى.
شەكارا قىزمەتىنە دە جاڭا تسيفرلىق تەحنولوگيالاردى قولدانۋ جانە كيبەرقاۋىپسىزدىككە قاتىسۋ فۋنكتسيالارى قوسىلادى.
قۇجاتتاعى كەيبىر تارماقتار قۇپيا تۇردە قالدىرىلعان. وزگەرىستەر 2026 جىلدىڭ 12 شىلدەسىنەن باستاپ كۇشىنە ەنەدى.
ەسكە سالايىق, پاۆلودار وبلىسىندا كيبەرپوليتسەيلەر زەينەتكەردىڭ 5 ملن تەڭگەسىن الاياقتاردان ساقتاپ قالعان بولاتىن.
ال باس پروكۋراتۋرا 18 جاڭا كيبەرقاۋىپتى انىقتاعان ەدى.