قازاقستاندىق كاسىپكەرلەر ايدىن مەن انار راحىمباەۆتار حالىقارالىق The Giving Pledge («قايىرىمدىلىق انتى») باستاماسىنا قوسىلىپ, ءوز بايلىعىنىڭ جارتىسىنان كوبىن قايىرىمدىلىققا باعىتتايتىنىن جاريالادى. ولار بۇل جوباعا قوسىلعان ورتالىق ازياداعى العاشقى وكىل اتاندى, دەپ حابارلايدى Egemen.kz.
Forbes-ءتىڭ باعالاۋىنشا ايدىن راحىمباەۆتىڭ 2026 جىلداعى بايلىعى شامامەن 1,1 ميلليارد دوللاردى قۇرايدى. ەرلى-زايىپتىلار بۇل شەشىمدى ءوز قۇندىلىقتارىنىڭ جالعاسى دەپ اتاپ, ءومىر بويى اكتيۆتەرىنىڭ باسىم بولىگىن الەۋمەتتىك جوبالارعا جۇمساۋعا ۋادە بەردى. قالعان بولىگى بالالارعا مۇرا رەتىندە قالدىرىلماق.
ولاردىڭ ايتۋىنشا, نەگىزگى باسىمدىق قازاقستانداعى الەۋمەتتىك جوبالارعا بەرىلەدى. قاراجات مەكتەپتەر سالۋعا, بالالاردىڭ ءبىلىم الۋىنا, ۇلتتىق مادەنيەتتى ساقتاۋعا جانە ەل تاريحىن دامىتۋعا باعىتتالادى.
سونداي-اق كاسىپكەر وتباسى كوپ جىلدان بەرى «انا ءۇيى» جوباسى ارقىلى جەتىم بالالار سانىن ازايتۋعا, ال IQanat باستاماسى ارقىلى اۋىل بالالارىنا ساپالى ءبىلىم الۋعا كومەكتەسىپ كەلەدى.
The Giving Pledge – بيلل گەيتس, مەليندا فرەنچ گەيتس جانە ۋوررەن باففەت نەگىزىن قالاعان حالىقارالىق قايىرىمدىلىق قوزعالىسى. ونىڭ ماقساتى – اۋقاتتى ادامداردى بايلىعىنىڭ نەگىزگى بولىگىن قوعام يگىلىگىنە جۇمساۋعا ىنتالاندىرۋ.
ايدىن مەن انار راحىمباەۆتاردىڭ بۇل باستاماعا قوسىلۋى ورتالىق ازيا ءۇشىن ماڭىزدى قادام رەتىندە باعالانىپ وتىر.
ەسكە سالايىق, بۇعان دەيىن الاياقتىق جولمەن جينالعان قايىرىمدىلىق قاراجاتىن جىمقىردى دەگەن ايىپپەن 10 جىلعا سوتتالعان پەريزات قايراتتىڭ كولونياداعى قازىرگى جۇمىسى تۋرالى جازعان بولاتىنبىز.
پولشاداعى قايىرىمدىلىق كونتسەرتىندە ديماش قۇدايبەرگەننىڭ ءانى شىرقالعانى دا حابارلاندى.