قازاقستان پرەزيدەنتى قاسىم-جومارت توقاەۆ ۇلتتىق بانك توراعاسى ەربولات دوساەۆتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنا بيىلعى 10 ايدىڭ ىشىندە اقشا-نەسيە ساياساتىن ىسكە اسىرۋدىڭ الدىن الا قورىتىندىسى جانە تولەم بالانسىنىڭ جاعدايى بويىنشا 9 ايدىڭ قورىتىندىسى, سونداي-اق, ۇلتتىق تولەم جۇيەسىن دامىتۋ جۇمىسىنىڭ بارىسى تۋرالى باياندالدى.
پرەزيدەنتكە ۇلتتىق بانكتىڭ قاراجاتى ەسەبىنەن قارجىلاندىرىلاتىن كاسىپكەرلىكتى قولداۋعا باعىتتالعان مەملەكەتتىك باعدارلامالاردىڭ ورىندالۋى جايىندا ەسەپ بەرىلدى.
مەملەكەت باسشىسى كەزدەسۋ سوڭىندا قارجىلىق تۇراقتىلىقتى قامتاماسىز ەتۋ بويىنشا بىرقاتار تاپسىرما بەردى.