قىزىلوردادا تانىسىنىڭ ءىرى كولەمدەگى قاراجاتىن الداپ العان الاياق ايەل ۇستالدى, – دەپ حابارلايدى Polisia.kz.
وبلىس ورتالىعىنىڭ تۇرعىنى ءوزىنىڭ تانىسىنا جاقسى پاتەردى نارىقتىق باعادان تومەن باعامەن الىپ بەرۋگە ۋادە بەرىپ, ونىڭ جەتى ميلليون تەڭگە كولەمىندەگى اقشا قاراجاتىن العان. جابىرلەنۋشى ۇسىنىسقا قۋانا كەلىسىپ, قولىنداعى اقشانى قۇربىسىنا بەرگەن.
اقشانى العان قۇربىسىنا ۇزاق ۋاقىتتان بەرى حابارلاسا الماعان جابىرلەنۋشى الدانعانىن ءتۇسىنىپ, پوليتسياعا حابارلاعان. جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى كۇدىكتىنى انىقتاپ, ۇستادى. ول بۇرىن سوتتى بولعان 44 جاستاعى قالا تۇرعىنى بولىپ شىقتى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 3-بولىگى (الاياقتىق) بويىنشا سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.