رەسەيدە ءبىر تاۋلىك ىشىندە كوروناۆيرۋس جۇقتىرعاندار سانى 18 283-كە جەتتى, دەپ حابارلايدى Egemen.kz
جالپى ينفەكتسياعا شالدىققاندار سانى 1 599 976-عا ارتتى, دەپ حابارلادى جۇما كۇنى كوروناۆيرۋسپەن كۇرەس جەدەل شتابى.
شتاب مالىمەتىنشە, ءوسىم 1,2%-دى قۇراعان. شەشەنستان مەن داعىستان رەسپۋبليكالارى (0,5%-دان), ماسكەۋ وبلىسى, چۋۆاش رەسپۋبليكاسى مەن تاتارستان رەسپۋبليكاسىندا (0,6%-دان) ءوسۋ قارقىنى تومەندەگەن. ءبىر تاۋلىكتە كوروناۆيرۋس جۇقتىرعاندار سانى: ماسكەۋدە – 5 268, ماسكەۋ وبلىسى – 524, ارحانگەلسك وبلىسى – 325, روستوۆ وبلىسى – 310, ۆورونەج وبلىسىندا – 296. جازىلىپ شىققاندار سانى تاۋلىگىنە 14 519 ادامعا دەيىن ارتتى, جالپى ينفەكتسيادان 1 200 560 ناۋقاس جازىلىپ شىققان.
ەم-دوم قابىلداعانداردىڭ سانى 75% قۇرايدى. وعان قوسا, ءبىر تاۋلىكتە كوروناۆيرۋستان 355 ادام قايتىس بولدى. بۇل كورسەتكىش ءبىر كۇن بۇرىن 366 بولعان ەدى.
جالپى ينفەكتسيادان 27 656 ناۋقاس كوز جۇمسا, 371 760 ادام ەم-دوم قابىلداپ جاتىر.