وبىر – الەم جۇرتشىلىعىن الاڭداتىپ وتىرعان اسا قاۋىپتى سىرقات. كەندى التايدىڭ كۇردەلى ەكولوگياسى, اۋىر مەتالداردىڭ شەكتەن تىس كوپ جينالۋى قورشاعان ورتاعا كوپ زيانىن تيگىزۋدە. سوندىقتان بولار, ونكولوگيالىق اۋرۋلار جونىنەن شىعىس كوش باستاپ كەلەدى. وڭىردە بۇل كۇندەرى 17,4 مىڭ ادام ەسەپتە تۇر.
وبىر – الەم جۇرتشىلىعىن الاڭداتىپ وتىرعان اسا قاۋىپتى سىرقات. كەندى التايدىڭ كۇردەلى ەكولوگياسى, اۋىر مەتالداردىڭ شەكتەن تىس كوپ جينالۋى قورشاعان ورتاعا كوپ زيانىن تيگىزۋدە. سوندىقتان بولار, ونكولوگيالىق اۋرۋلار جونىنەن شىعىس كوش باستاپ كەلەدى. وڭىردە بۇل كۇندەرى 17,4 مىڭ ادام ەسەپتە تۇر.
قاۋىپتى سىرقات بويىنشا وسكەمەن مەن سەمەي الدا كەلەدى. ۇستىمىزدەگى جىلدىڭ 9 ايىندا عانا اسا قاۋىپتى سىرقاتتان 1196 ادام كوز جۇمعان. ساراپشىلاردىڭ ايتۋلارىنشا, سىرقات جانداردىڭ وزدەرى بۇل دەرتتىڭ جابىسقانىن مەزگىلىندە بىلمەي قالادى دا, ارتىنان سان سوعىپ جاتادى. اباي, تارباعاتاي, اياگوز, بەسقاراعاي مەن جارما اۋداندارىندا سىرقات جاندار كوپ تىركەلگەن, جىل سايىن كوبەيمەسە ازايار ەمەس. ونكولوگيالىق اۋرۋمەن كۇرەستە دارىگەرلەردىڭ بىلىكتىلىگى مەن ءبىلىمى اسا قاجەت. ولار قاتەلەسۋگە جول بەرمەۋى كەرەك. الايدا, تالاي كەمشىلىكتىڭ بار ەكەنى جاقىندا وبلىستىق پروكۋراتۋرا وتكىزگەن ءباسپاسوز بريفينگىندە ءسوز بولدى. ونىڭ جۇمىسىنا وبلىس اكىمىنىڭ ءبىرىنشى ورىنباسارى ەرمەك كوشەرباەۆ, وبلىس پروكۋرورى باعبان تايىمبەتوۆ قاتىستى. وبلىستىق پروكۋراتۋرا قىزمەتكەرلەرى وبلىس ورتالىعىندا وتكىزگەن تەكسەرىس كەزىندە تالاي كەمشىلىكتىڭ بار ەكەنىن انىقتاعان.
– پروكۋرورلار تەكسەرىسى قاجەتتىلىكتەن تۋىنداپ وتىر, – دەدى وبلىس پروكۋرورى ب.تايىمبەتوۆ. – سىرقات جاندار ءدارى-دارمەكتىڭ جەتىسپەيتىنىن ايتسا, مۇندا دارىلىك پرەپاراتتاردى ساقتاۋ تالاپتارى ەسكەرىلمەگەن. ديسپانسەردەگى شاعىن وپەراتسيا زالىندا جابدىقتار مەن قوندىرعىلار بولعانىمەن ولار بوس, جۇمىس ىستەمەي جاتىر.كۋرچاتوۆ قالاسىنان كەلگەن سىرقات وزىنە ءتيىستى ءدارىنى الا الماعانىن ايتادى. كەيبىر ءدارى-دارمەكتەردىڭ ۋاقىتى ءوتىپ كەتكەن, ونى كەزىندە پايدالانۋعا بولاتىن ەدى عوي, – دەدى بريفينگتە وبلىس پروكۋرورى.
«كۆانت-سەمەي» جاۋاپكەرشىلىگى شەكتەۋلى سەرىكتەستىگى وتكەن جىلى 5,5 ميلليون تەڭگەنىڭ ءدارى-دارمەگىن جەتكىزىپ بەرگەن. ال بيىل 4 ميلليون تەڭگەگە شارت جاساسىپتى. دەمەك, ءدارى ۋاقتىلى جەتكەنىمەن, ونى ءتيىمدى پايدالانۋعا كوڭىل بولىنبەۋدە.
ديسپانسەردە ەڭبەك ءتارتىبى اركەز ساقتالا بەرمەيدى. كەيبىر جۇمىسشىلاردىڭ ەڭبەك قۇقىقتارى بۇزىلعان. مىنە, وسى كەمشىلىكتەردىڭ بارلىعىن تۇزەۋ, ادام فاكتورىن كۇشەيتۋگە كوڭىل ءبولۋ قاجەتتىگى ايتىلدى.
وڭداسىن ەلۋباي,
«ەگەمەن قازاقستان».
وسكەمەن.