جۇمىس ساپارى بارىسىندا ەنەرگەتيكا ءمينيسترى “Hill Corporation” جاعار مايلار ءوندىرىسى بويىنشا زاۋىتتىڭ جۇمىسىمەن تانىستى, “Standard Resursis – ۋگلەحيم” كومىر-حيميا كومبيناتىن ارالادى, سونداي-اق مەتيل-ترەت-بۋتيل ەفيرىن (متبە) جانە پوليپروپيلەن ۇنتاعىن ءوندىرۋ بويىنشا زاۋىتتىڭ قۇرىلىس الاڭىنا باردى, دەپ حابارلايدى Egemen.kz قر ەم ءباسپاسوز قىزمەتىنە سىلتەمە جاساپ.
“ستاندارد رەسۋرسيز” جشس “STANDARD RESURSIS – ۋگلەحيم” موتور وتىنىن جانە مۇناي-حيميا ونىمدەرىن ءوندىرۋ ءۇشىن قۋاتى 100 مىڭ.توننا بولاتىن كومىر-حيميا كومبيناتى جوباسىنىڭ باستاماشىسى بولىپ تابىلادى. جوبا تۇركىستان وبلىسىنىڭ ورداباسى اۋدانىندا جۇزەگە اسىرىلىپ جاتىر.
نۇرلان نوعاەۆ “وڭتۇستىك” اەا ارالاۋ بارىسىندا “Hill Corporation” مايلاۋ ماتەريالدارىن ءوندىرۋ بويىنشا زاۋىتقا, سونداي-اق مەتيل-ترەت-بۋتيل ەفيرىن جانە “شىمكەنت حيميالىق كومپانياسى” جشس جۇزەگە اسىراتىن پوليپروپيلەن ۇنتاعىن ءوندىرۋ بويىنشا زاۋىتقا باردى.
“Hill Corporation” زاۋىتى ۇدەمەلى يندۋستريالىق-يننوۆاتسيالىق دامۋ بويىنشا باعدارلامانىڭ شەڭبەرىندە سالىندى. 2010 جىلعى 22 مامىردا رەسمي پايدالانۋعا بەرىلدى. جوبانىڭ ينۆەستيتسيالىق قۇنى 50 ملن. اقش دوللارىن قۇرادى. قازىرگى ۋاقىتتا زاۋىتتا شامامەن 300 ادام جۇمىس جاسايدى.
قازاقستاندا بارلىعى مايلاۋ ماتەريالدارىن ءوندىرۋ بويىنشا جالپى قۋاتى 145 مىڭ.توننانى قۇرايتىن 4 كاسىپورىن جۇمىس ىستەيدى, ولار ەلىمىزدىڭ ىشكى نارىعىنىڭ قاجەتتىلىگىن تولىعىمەن قامتيدى.
“شىمكەنت حيميالىق كومپانياسى” جشس “وڭتۇستىك” اەا اۋماعىندا مەتيل-ترەت-بۋتيل ەفيرىن جانە پوليپروپيلەن ۇنتاعىن ءوندىرۋ بويىنشا جوبانى جۇزەگە اسىرادى.
مەتيل-ترەت-بۋتيل ەفيرى وتىننىڭ وكتاندىق قۇرامىن ارتتىراتىن وكسيگەنەراتسيالىق ۇنتاق بولىپ تابىلادى, ۇنتاق پوليپروپيلەن قاپشىق, ىدىس, قۇبىر جانە ت.ب. وندىرىسىنە پايدالانىلاتىن پوليمەرلىك ءونىم بولىپ تابىلادى. جوبانىڭ قۋاتى 57 000 توننا متبە جانە 80 000 توننا پوليپروپيلەن ۇنتاعىن وندىرۋگە ارنالعان. قازىرگى ۋاقىتتا وبەكتىدە قۇرىلىس-مونتاجداۋ جۇمىستارى جۇرگىزىلىپ جاتىر.
ساپار قورىتىندىسى بويىنشا نۇرلان نوعاەۆ مۇناي-حيميا سالاسىن بۇدان ءارى دامىتۋ بويىنشا بىرقاتار ناقتى تاپسىرما بەردى.