ورتا سالماقتا IBF جانە IBO بەلبەۋلەرىنىڭ يەگەرى قازاقستاندىق گەننادي گولوۆكيننىڭ (40-1-1, 35 كو) شارشى الاڭعا شىعاتىن ۋاقىتى تاعى دا كەيىنگە شەگەرىلدى, دەپ حابارلايدى Egemen.kz Vesti.kz سايتىنا سىلتەمە جاساپ.
قازاقستاندىق بوكسشى نەگىزى جەكپە-جەگىن قاراشا ايىندا اقش جەرىندە وتكىزۋى كەرەك بولاتىن. ونىڭ قارسىلاسى دا بەلگىلى ەدى. گولوۆكين IBF بەلبەۋىنىڭ مىندەتتى قارسىلاسى پولشالىق كاميل شەرەمەتامەن (21-0, 5 كو) ايقاس وتكىزۋ كەرەك تۇعىن. بىراق پولشالىق بوكسشىنىڭ پروموۋتەرى اندجەي ۆاسيلەۆسكي جەكپە-جەكتىڭ كەيىنگە شەگەرىلگەنىن حابارلادى.
ء"بىز تىكەلەي گولوۆكيننىڭ كومانداسىنان جەكپە-جەك جەلتوقساننىڭ اياعىندا نەمەسە قاڭتاردىڭ ورتاسىندا ءوتۋى مۇمكىن دەگەن اقپارات الدىق. دەگەنمەن ءبىز بۇعان دەيىن دە مۇنداي حابار العان ەدىك.
بۇل جاعداي بوكسشىنىڭ وزىنە باپكەرلەر مەن پروۋومەتەرلەرگە كەرى اسەرىن تيگىزۋى مۇمكىن. ءبىز كەزدەسۋدىڭ ناقتى قاشان وتەتىنىن اسىعا كۇتىپ ءجۇرمىز. كاميل كۇن سايىن جاتتىعۋ جاساپ جاتىر. جەكپە-جەكتىڭ كەيىنگە شەگەرىلگەنىنە ول دا ۋايىمداپ وتىر", دەپ كەلتىرەدى پروموۋتەردىڭ ءسوزىن RingPolska.
"جەلتوقساندا اقش جەرىندە جانكۇيەرلەردىڭ قاتىسۋىمەن جەكپە-جەك وتكىزۋگە بولادى. مۇمكىن وسى ءۇشىن دە گولوۆكين كەزدەسۋدى كەيىنگە شەگەرگەن شىعار. قازىر Top Rank كومپانياسىنىڭ باسشىسى بوب ارۋم بۇل ماسەلەنى شەشۋدىڭ جولىن قاراستىرىپ جاتىر", دەپ جازادى باسىلىم.
نەگىزى گولوۆكين شارشى الاڭعا 2020 جىلدىڭ اقپان ايىندا شىعۋى كەرەك ەدى. بىراق كەيىن بۇل داتا ناۋرىزعا اۋىستىرىلدى. دەگەنمەن ول كەزدە جاتتىعۋ بارىسىندا گولوۆكين جاراقات الىپ, جەكپە-جەك تاعى كەيىنگە قالدى.
ەسكە سالايىق, گولوۆكين سوڭعى رەت شارشى الاڭعا 2019 جىلدىڭ قازان ايىندا نيۋ-يورك قالاسىندا شىعىپ, ۋكراينالىق سەرگەي دەرەۆيانچەنكونى جەڭدى. بۇل كەشتە كاميل شەرەمەتا دا شارشى الاڭعا شىعىپ, مەكسيكالىق وسكار كورتەستەن ۇستەم ءتۇستى.