بۇگىن قازاقستان رەسپۋبليكاسىنىڭ مəدەنيەت جəنە سپورت ءمينيسترى اقتوتى رايىمقۇلوۆا "حابار" اگەنتتىگىن 25 جىلدىعىمەن قۇتتىقتادى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
"قۇرمەتتى "حابار" اگەنتتىگىنىڭ ۇجىمى! ەلىمىزدەگى تۇعىرى بيىك بۇقارالىق اقپارات قۇرالىنىڭ ءبىرى - "حابار" اگەنتتىگىنىڭ شيرەك عاسىرلىق مەرەيلى مەرەكەسى قۇتتى بولسىن! بۇگىندە اقپارات ايدىنىنداعى بەدەلدى ۇيىم جاھانداعى بار جاڭالىقتىڭ جارشىسى بولىپ, حالىققا قىزمەت ەتىپ كەلە جاتىر.
اگەنتتىك ۇيىستىرىپ وتىرعان تورتتاعانداعى əر ارنانىڭ اتقارىپ كەلە جاتقان ەڭبەگى ۇشان-تەڭىز. تانىمدىق-ساراپتامالىق سارىنداعى باعدارلامالارى باسىم "حابار", تاۋلىك بويى اقپارات اعىنىمەن قامتاماسىز ەتەتىن "حابار 24", əلەمنىڭ əر تۇكپىرىندەگى اعايىننىڭ ىستىق ىقىلاسىنا بولەنگەن "Kazakh TV", كينو جəنە تەاتر əلەمىمەن قاۋىشتىراتىن "ەل ارنا" - əر جاڭا ماۋسىم سايىن كورەرمەنىن قۋانتۋدان جالىققان ەمەس.
جالپى ءتۇبى ءبىر تۇركى ەلدەرىنە عانا ەمەس, əلەمگە تانىلعان "حابار" پىكىر مەن ىستەگى بىرلىكتى, باۋىرلاستىقتى نىعايتا تۇسۋگە ىقپال ەتىپ كەلەدى. لايىم يگى باستاماسىمەن كوپشىلىكتىڭ كوكەيىندەگى ويدى ءدوپ باساتىن اگەنتتىك باسشىلىعىنا, كۇللى ۇجىمعا مəدەنيەت جəنە سپورت مينيسترلىگىنىڭ اتىنان شىن جۇرەكتەن ريزاشىلىعىمدى بىلدىرەمىن!وسىناۋ ەرەكشە ءسəتتى پايدالانا وتىرىپ, قاجىماس قايرات, تولايىم تابىس, جەمىستى جۇمىستارىڭىزدىڭ ءساتتى جالعاسۋىن تىلەيمىن!"- دەلىنگەن قۇتتىقتاۋ حاتتا.