ەرىكتىلەر مەن پوليتسيانىڭ قوعامدىق كومەكشىلەرى الماتىداعى رەيدتىك ءىس-شارالارعا قاتىستى, – دەپ حابارلايدىEgemen.kz Polisia.kz سايتىنا سىلتەمە جاساپ.
پوليتسيانىڭ ەرىكتىلەرى مەن قوعامدىق كومەكشىلەرى الماتىداعى كارانتيندىك رەجيمنىڭ ساقتالۋىن باقىلاۋ توبىنا قوسىلدى, ولار پوليتسيا قىزمەتكەرلەرىمەن بىرگە كەشە كەشكە كافەلەردە جانە قوعامدىق ورىنداردا سانيتارلىق-ەپيدەميولوگيالىق تالاپتاردى ساقتاۋ بويىنشا رەيدتەر وتكىزدى.
6 تامىزدان باستاپ قازاقستاندا تەمەكى ونىمدەرىن شەگۋگە تىيىم سالىنعان ورىنداردىڭ ءتىزىمىن كەڭەيتتى. كاليانعا دا تىيىم سالىندى. قازىر كافەلەردە, قوعامدىق ورىنداردا, ساياجايلاردا جانە كوشەدە تەمەكى شەگۋگە تىيىم سالىنادى. زاڭعا ەنگىزىلگەن تۇزەتۋلەر 2020 جىلدىڭ 19 شىلدەسىندە كۇشىنە ەندى. رەيد بارىسىندا ەرىكتىلەر مەن قوعامدىق كومەكشىلەر كەلۋشىلەرگە كاليان بەرگەن 10-نان استام مەكەمەنى انىقتادى. قۇقىق بۇزۋشىلارعا قاتىستى قر اقبك-ءنىڭ 441-بابى بويىنشا اكىمشىلىك حاتتامالار جاسالدى. پوليتسيا قىزمەتكەرلەرى مەكەمە يەلەرىمەن قۇقىقتىق تۇسىندىرمە اڭگىمەلەر وتكىزدى, سونىمەن قاتار مەكەمەلەردە سانيتارلىق نورمالاردىڭ ساقتالۋى تۋرالى ەسكە سالدى.