قازاقستان تابيعات قورعاۋشىلارىنىڭ تۇڭعىش پرەمياسى تابىستالدى

"ەلىمىزدە پرەزيدەنتىمىز قاسىم-جومارت توقاەۆتىڭ باستاماسىمەن تۇڭعىش رەت ورمان شارۋاشىلىعى مەن جانۋارلار الەمىن قورعاۋ سالاسىنداعى "ەلىم-اي" سىيلىعىن تابىستاۋ ارقىلى ءبىز سالاداعى ۇزدىك مامانداردى, جانۋارلارعا, جابايى تابيعاتقا, ەكولوگياعا جانى اشىپ, ءوز ەرىكتەرىمەن قوعامدىق ىستەردىڭ باسىندا جۇرگەن ازاماتتاردىڭ ەڭبەگىن اتاپ وتكىمىز كەلدى", - دەدى ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءىس-شارانىڭ اشىلۋ سالتاناتىندا.

"ەكولوگيا مينيسترلىگى "ەلىم-اي" سىيلىعى شاراسىن ءداستۇرلى تۇردە جىل سايىن وتكىزبەك نيەتتە.

ء"بىزدىڭ مينيسترلىك الدىنا ەكولوگيا سالاسىنداعى قىزمەتكەرلەردىڭ, ەكوبەلسەندىلەردىڭ ستاتۋسىن كوتەرۋ مىندەتىن قويىپ وتىر. سالا ماماندارىنىڭ ماتەريالدىق جاعدايىن كوتەرۋگە قاتىستى قادامدار جاسالدى. براكونەرلىك ءۇشىن جازا قاتايتىلدى. وتكەن جىلى اقبوكەندەردى قورعاۋ جولىندا قورىقشىلارىمىز – ەرلان نۇرعاليەۆ پەن قانىش نۇرتازينوۆتىڭ براكونەرلەر قولىنان قازا تاپقانىن ەشكىم ۇمىتقان جوق. بۇل – ينسپەكتورلاردىڭ مارتەبەسىن جوعارىلاتۋ جولىنداعى بەلسەندى جۇمىستى جالعاستىرۋىمىز قاجەتتىگىنىڭ ۇلكەن بەلگىسى", - دەپ اتاپ ءوتتى مينيستر.

نومينانتتتارعا سىيلىقتى قر ەگترم ماعزۇم مىرزاعاليەۆ, مادەنيەت جانە سپورت ءمينيسترى اقتوتى رايىمقۇلوۆا, سەناتورلار بىرعانىم ءايتىموۆا مەن نۇرتورە ءجۇسىپ, وليمپيادا چەمپيونى ۆاسيلي لەۆيت جانە باسقا دا قوعام قايراتكەرلەرى تابىستادى.

مادەنيەت جانە سپورت ءمينيسترى اقتوتى رايىمقۇلوۆا 18 قازاندا اتالىپ وتكەن ورمان شارۋاشىلىعى قىزمەتكەرلەرىنىڭ كۇنىمەن قۇتتىقتادى.

ء"تول مەرەكە ءوز جالعاسىن بۇگىنگى كۇنى دە تابۋدا. بۇل وزدەرىنىڭ تاباندىلىقتارى ارقىلى ەلىمىزدىڭ ورمان بايلىعىن قورعاپ, كوبەيتىپ  جۇرگەن ازاماتتاردىڭ مەرەكەسى. ەلىمىزدىڭ باعا جەتپەس بايلىعى مەن تابيعاتى اراسىندا, ورمان-توعاي – جەر-انانىڭ ادامزاتقا بەرگەن سىيىنىڭ ءبىرى. سوندىقتان تابيعاتتى ايالاۋ مەن ونىڭ قادىر-قاسيەتىن سەزىنۋ – ادامزاتقا, ۇرپاعىمىزعا پارىز", - دەدى ول ءوز سوزىندە.

"ەلىم-اي" سىيلىعى 16 نوميناتسيا بويىنشا بەرىلدى.

"براكونەرلەرمەن كۇرەستەگى ەرەن ەرلىگى ءۇشىن" “وحوتزووپروم” اقمولا وبلىستىق تىرەك پۋنكتىنىڭ  ينسپەكتورى نۇربەكوۆ دوستاي بالعابەك ۇلى ماراپاتتالدى. ول 2016 جىلى براكونەرلەرمەن بەتپە-بەت كەلىپ, موينىنان پىشاق جاراقاتىن الىپ, اجالدان امان قالعان ەدى. 

“وحوتزووپروم” ءوب ورتالىق ايماقتىق فيليالىنىڭ ينسپەكتورى اليەۆ مۇرات قابيدەن ۇلى «جانۋارلار دۇنيەسىن قورعاۋدا «ۇزدىك ينسپەكتور» دەپ تانىلدى.

ورمان شارۋاشىلىعى سالاسىندا 30 جىلدان استام ەڭبەك ەتىپ كەلە جاتقان "سامار ورمان شارۋاشىلىعى" كوممۋنالدىق مەملەكەتتىك مەكەمەسىنىڭ ديرەكتورى قابدىرعاليەۆ ەركەن چايمۇرات ۇلى «ۇزدىك ورمانشى» اتاندى.

«ورمان شارۋاشىلىعىن دامىتۋعا بارىن سالىپ اتسالىسقالى ءۇشىن» «سەمەي  ورمانى» مەكەمەسىنىڭ سەمەي قالالىق فيليالى باتپاەۆ ورمانشىلىعىنىڭ جەتەكشىسى الەكساندر ترۋشين ماراپاتتالدى.

«ورمان شارۋاشىلىعىنا ەڭبەگى سىڭگەن ارداگەر» نوميناتسياسىنا «كولساي كولدەرى» مەملەكەتتىك ۇلتتىق تابيعي پاركىنىڭ اعا عىلىمي قىزمەتكەرى احمەتوۆ حاميت اعابەك ۇلى يە بولدى. بيولوگيا عىلىمدارىنىڭ كانديداتى 30-عا جۋىق عىلىمي ماقالا جازعان.

"TMT GROUP" جشس باسشىسى ءتۇرسىنالى مارلەن تۇرسىنالى ۇلى  «ۇزدىك بالىق ءوسىرۋشى» دەپ تانىلدى. ال «كاراگاندينسكي رىبوپيتومنيك» جشس «ۇزدىك بالىق تالىمباعى» اتاندى. باسشىسى - دەنيس مۋشتاكوۆ.

«ىلە-الاتاۋ» مەملەكەتتىك ۇلتتىق تابيعي پاركى «ۇزدىك ۇلتتىق پارك», «بارساكەلمەس» مەملەكەتتى قورىعى «ۇزدىك قورىق» اتالىمىن الدى. سىيلىق مەكەمەلەردىڭ باسشىلارى دامير مالگەلديەۆ پەن زاۋرەش الىمبەتوۆاعا بەرىلدى.

«Kazakh Tourism» ۇلتتىق كومپانياسىنىڭ باسشىسى ەرجان ەركىنباەۆقا «ەكوتۋريزمدى ناسيحاتتاۋ بويىنشا ۇزدىك جوبا» نوميناتسياسى بەرىلدى.

«تامىر» جابايى تابيعاتتا سەرۋەندەي مەكتەبى ەكولوگيالىق مادەنيەتتى كوتەرۋ جانە ادامداردىڭ جابايى تابيعاتتاعى قاۋىپسىزدىگىن قامتاماسىز ەتۋگە قوسقان ۇلەسى ءۇشىن ماراپاتتالدى.

يتبالىقتاردىڭ قورعاۋشىسى رەتىندە تانىلعان گيدروبيولوگيا جانە ەكولوگيا ينستيتۋتىنىڭ عىلىمي قىزمەتكەرى اسەل بايمۇقانوۆا «ەكولوگيالىق ناسيحات باعىتىنداعى مامان» اتالىمىنا يە بولدى.

«امان پەن ەرىك-جىگەر» اتالىمىمەن ەكى قولىنىڭ جوقتىعىنا قاراماستان اقمولا وبلىسىندا 18 مىڭ اعاش وتىرعىزىپ, ۇلگىلى ىسپەن ومىردەن وتكەن الەكساندر كارپوۆيچتىڭ ەڭبەگى اتالىپ ءوتىلدى. سىيلىق ۇلىنا تابىستالدى.

«ولكەتانۋعا قوسقان ۇلەسى ءۇشىن» نوميناتسياسىن «باياناۋىل» مەملەكەتتىك ۇلتتىق تابيعي پاركىنىڭ ينسپەكتورى قۇرمانوۆ التىنبەك جۇمات ۇلى الدى.

«جابايى اڭدارعا جاساعان قامقورلىعى ءۇشىن»  “سايرام-وگەم” مەملەكەتتىك ۇلتتىق تابيعي پاركىنىڭ بيولوگ-اڭشىسى اقىنباەۆ نۇرجان سايرانباي ۇلى ماراپاتتالدى.

جانۋارلاردى قورعاۋ قاۋىمداستىعىنىڭ پرەزيدەنتى ليليا سارسەنوۆا ء«ۇي جانۋارلارىن قورعاعانى ءۇشىن» نوميناتسياسىن الدى. ول جانۋارلار پانالايتىن ورتالىق اشقان.

ەسكە سالايىق, مەملەكەت باسشىسى قاسىم-جومارت توقاەۆ حالىققا بيىلعى جولداۋىندا قورشاعان ورتانى قورعاۋ جانە ەكولوگيالىق دامۋ ەلىمىز ءۇشىن الدىڭعى كەزەكتە تۇرعان ماسەلە ەكەنىن ايتقان. كوگالداندىرۋ اۋقىمىن كەڭەيتىپ, «جانۋارلاردى قورعاۋ تۋرالى» زاڭ جوباسى قابىلداناتىنىن جەتكىزگەن. ال 22 قازانداعى ۇلتتىق قوعامدىق سەنىم كەڭەسى وتىرىسىندا ۇلتتىق مەملەكەتتىك تابيعي پاركتەردە ەكوتۋريزمدى بەلسەندى دامىتۋ قاجەتتىگىن تاعى دا توقتالدى.