24 قازاندا ساعات 02.31-دە شىمكەنت قالاسىنىڭ تەمىر جول ستانتسياسىندا №117 باعىتىنداعى 13 ۆاگون جولدان شىعىپ (ۆاگوندار بوس, قۇرامىندا 21 ۆاگون بولعان), اۋدارىلعان. قايتىس بولعاندار مەن زارداپ شەككەندەر جوق. وقيعانىڭ سەبەپتەرى انىقتالۋدا, دەپ حابارلايدى Egemen.kz.
وقيعا باسقا پويىزداردىڭ قوزعالىسىنا دا اسەر ەتتى. الدىن الا مالىمەتتەر بويىنشا 5 جولاۋشىلار جانە 10 جۇك پويىزى توقتاپ تۇر.
قازىرگى ۋاقىتتا جوندەۋ-قالپىنا كەلتىرۋ جۇمىستارى جۇرگىزىلۋدە, "قتج" اق-نىڭ 200 قىزمەتكەرى, شىمكەنت, ارىس جانە تاراز ستانتسياسىنان 3 بىرلىك قالپىنا كەلتىرۋ پويىزدارى جۇمىلدىرىلدى.
وقيعا ورنىندا شىمكەنت قالاسى تجد 6 قىزمەتكەرى جانە 3 بىرلىك تەحنيكا, شىمكەنت ستانتسياسى ىشكى ىستەر جەلىلىك پوليتسيا ءبولىمىنىڭ 10 قىزمەتكەرى جانە 1 بىرلىك تەحنيكاسى جۇمىس ىستەۋدە. جولدى بوساتۋ باعىتىندا جۇمىستار جۇرگىزىلىپ جاتىر. 24 قازان ساعات 13.00-گە دەيىن پويىزداردىڭ قوزعالىسى ءۇشىن 1 جولدى قالپىنا كەلتىرۋ جوسپارلانۋدا.