كونستيتۋتسيالىق سوت تۇسىك جاساتۋعا تىيىم سالۋ تۋرالى شەشىم قابىلدادى, دەپ حابارلايدى Egemen.kz ريا نوۆوستيگە سىلتەمە جاساپ.
رەسمي مالىمەتتەر بويىنشا, پولشادا جىل سايىن 2000-عا جۋىق تۇسىك جاسالادى. بىراق قۇقىق قورعاۋ ۇيىمدارىنىڭ اقپاراتى بويىنشا, زاڭسىز نەمەسە شەتەلدە جاسالاتىن تۇسىك سانى جىلىنا 200 مىڭعا دەيىن جەتەدى.
"بۇل ۇكىم جۇكتىلىكتى توقتاتۋعا شەشىم قابىلداعان ايەلدەردى وتە اۋىر جاعدايعا دۋشار ەتەتىنىن, ولاردىڭ دەنساۋلىعىنا زيان كەلتىرەتىنىن بىلەمىز. ادام قۇقىقتارىن قورعاۋمەن اينالىساتىن بۇۇ قۇرىلىمدارى مۇنداي شەشىمدەر ادامگەرشىلىككە جاتپايتىنىن جانە ار-نامىستى قورلايتىن ءىس-ارەكەتتەر نىسانى دەپ شەشتى. ەندى قازىردىڭ وزىندە وتە وسال جاعدايداعى ايەلدەر ودان دا قيىن جاعدايعا تاپ بولادى", - دەيدى رەپرودۋكتيۆتى قۇقىقتار ورتالىعىنىڭ (ەۋروپا) ايماقتىق ديرەكتورى لەا حوكتور.
پولشانىڭ تۇسىك ءتۇسىرۋ تۋرالى زاڭى ەۋروپاداعى ەڭ قاتاڭ زاڭداردىڭ ءبىرى. ەگەر ايەل زورلاۋ نەمەسە جۇقتىرۋ ناتيجەسىندە جۇكتى بولسا نەمەسە ونىڭ دەنساۋلىعىنا قاۋىپ تونسە عانا تۇسىك جاساتۋىنا بولادى.