ۇكىمەت قاۋلىسىمەن يساەۆا گۇلميرا سۇلتانبايقىزى بەرگەن وتىنىشىنە سايكەس اۋىل شارۋاشىلىعى ۆيتسە-ءمينيسترى قىزمەتىنەن بوساتىلدى. بۇل تۋرالى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ حابارلايدى.
گۇلميرا يساەۆا 1969 جىلى الماتى وبلىسىندا دۇنيەگە كەلگەن. 1991 جىلى سەمەي ەت جانە ءسۇت ونەركاسىبى تەحنولوگيالىق ينستيتۋتىن, 2010 جىلى – قازاق ۇلتتىق اگرارلىق ۋنيۆەرسيتەتىن تامامداعان. ماماندىعى – ينجەنەر-تەحنولوگ. ەڭبەك جولىن 1991 جىلى باستاعان.
1991-2010 جىلدارى اعا وقىتۋشى, اسپيرانت, باس مامان, كىشى, اعا عىلىمي قىزمەتكەر, باس تەحنولوگ, زووتەحنيك-سەلەكتسيونەر بولىپ قىزمەت ەتتى.
2010-2012 جىلدارى ۇلتتىق كومپانيالاردا جۇمىس ىستەگەن.
2012-2017 جىلدارى اۋىل شارۋاشىلىعى ۆيتسە-ءمينيسترى قىزمەتىن اتقاردى.
2017 جىلدىڭ قازان ايىنان 2018 جىل ارالىعىندا پرەمەر-ءمينيستردىڭ كەڭەسشىسى بولدى.
2018 جىلى قاڭتار ايىندا قر اشم ۆيتسە-ءمينيسترى قىزمەتىنە تاعايىندالدى.