ەڭبەكشىقازاق اۋدانىندا زاڭسىز بالىق اۋلاۋمەن اينالىسقان كۇدىكتى ۇستالدى, – دەپ حابارلايدى Egemen.kz Polisia.kz. سايتىنا سىلتەمە جاساپ.
ەڭبەكشىقازاق اۋدانىندا “براكونەر” رەسپۋبليكالىق جەدەل-الدىن الۋ ءىس-شاراسىن وتكىزۋ بارىسىندا تابيعاتتى قورعاۋ پوليتسياسى ينسپەكتورى قاپشاعاي بالىق ينسپەكتسياسىنىڭ قىزمەتكەرلەرىمەن بىرگە سارىبۇلاق اۋىلىنىڭ 38 جاستاعى تۇرعىنىن ۇستادى.
ول جىل بويى ۇساق تور كوزدى اۋدىڭ كومەگىمەن بالىق اۋلاۋعا تىيىم سالىنعان ىلە – قاپشاعاي سۋ قويماسىندا زاڭسىز بالىق اۋلاۋمەن اينالىسقان.
ءتارتىپ ساقشىلارى كۇدىكتىدەن 100 كگ جىلانباس بالىق, سازان, اق امۋر, ءدوڭماڭداي جانە كوكسەركە سياقتى بالىقتاردى تاركىلەدى.
اتالعان دەرەك بالىق رەسۋرستارىن زاڭسىز وندىرگەنى ءۇشىن جاۋاپكەرشىلىكتى كوزدەيتىن قر قك-ءنىڭ 335-بابىنىڭ 1-بولىگى بويىنشا تىركەلدى.
الىنعان بالىق مەملەكەتتىك قابىلداۋ پۋنكتىنە تاپسىرىلدى.