قازاقستان ۇلتتىق بانكىنىڭ بۇرىنعى باسشىسى گريگوري مارچەنكو ەندى تۇراقتى جۇمىس ىستەۋگە ىنتالى ەمەس. بۇل تۋرالى «ينتەرفاكس-قازاقستان» حابارلادى.
«مەن تۇراقتى جۇمىسقا شىقپايمىن. ديرەكتورلار كەڭەسىندە ىستەگىم نەمەسە سوندا كەڭەسشى بولعىم كەلەدى», - دەدى ول جۇما كۇنى الماتىدا.
«مەن وزىمە تەندەر جاريالادىم. قازىر بۇل پروتسەستىڭ ورتاسىندا تۇرمىن», - دەدى ول.
بۇل – مارچەنكونىڭ وزىنە ءبىرىنشى رەت تەندەر جاريالاۋى ەمەس. بۇعان دەيىن ول بىرنەشە رەت ورتالىق بانكتى باسقاردى. سونىڭ ىشىندە 90-شى جىلدارى بانك سەكتورىندا رەفورما ءجۇرىپ جاتقان كەزدە ۇلتتىق بانكتىڭ تىزگىنىن ۇستادى. ال 2009 جىلى الەمدىك قارجى داعدارىسى كۇيىپ تۇرعان كەزدە ۇلتتىق بانككە تاعى ورالدى. سول جىلى كۇتپەگەن جەردەن ۇلتتىق ۆاليۋتانىڭ دەۆالۆاتسياسىن جاساپ, جۇرتتىڭ ءبىراز نارازىلىعىنا ۇشىرادى.
ەندى ۇلتتىق بانكتەن كەتكەنكەن كەيىن, ءوزىنىڭ ايتۋىنشا, وزىنە ءوزى تەندەر جاريالاپ وتىر. بۇل جەردە وعان حالىق بانكى ديرەكتورلار كەڭەسىنىڭ توراعاسى بولۋ جونىندەگى ۇسىنىس قىزىقتىراق بولىپ كورىنىپ وتىرعان سياقتى.
ايتا كەتۋ كەرەك, قازىرگى كۇندەرى گ.مارچەنكو نەگىزىنەن شۆەيتساريادا تۇرىپ جاتىر. الماتىعا ايىنا ءبىر رەت كەلىپ كەتەدى.
ساكەن مايلىباي.