نۇر-سۇلتان قالاسىنىڭ ءبىلىم باسقارماسى مەن ءبىلىم بەرۋدى مودەرنيزاتسيالاۋ ورتالىعى "ەكواسار"اكتسياسىنىڭ كوشباسشىلارىن ماراپاتتاۋ ءراسىمىن وتكىزدى, دەپ حابارلايدى Egemen.kz
ەلوردالىق ءبىلىم بەرۋ ۇيىمداردا 11 قىركۇيەكتە ەكولوگيالىق مارافون باستالدى. ونىڭ اياسىندا مەكتەپكە دەيىنگى ۇيىمداردىڭ تاربيەشىلەرى مەن 5-11 سىنىپتاردىڭ سىنىپ جەتەكشىلەرى ءۇشىن سەمينارلار ۇيىمداستىرىلدى. ولار بۇگىنگى كۇنى قتق-نى ءبولىپ جيناۋدى ۇيرەنۋ بويىنشا وقىتۋدان ءوتتى. مارافونعا سونداي-اق بارلىق مەملەكەتتىك بالاباقشالار قاتىسىپ, ولاردىڭ اراسىندا ەكولوگيالىق جارىس وتكىزىلدى. بالاباقشالاردىڭ تاربيەلەنۋشىلەرى مەن اتا-انالار ساتقان قايتالاما شيكىزاتتان الىنعان قاراجات ءۇيسىز جانۋارلاردىڭ باسپاناسىنا كومەككە جىبەرىلدى.
5-11 سىنىپ وقۋشىلارى ءۇشىن 80 073 بالانى قامتيتىن ەكوساعاتتار وتكىزىلدى. ءىس جۇزىندە وقۋشىلار قاتتى تۇرمىستىق قالدىقتاردى قالاي دۇرىس سۇرىپتاۋ كەرەكتىگىن ءبىلدى.
"كوميسسيا بارلىق الىنعان دەرەكتەردى تالداپ, اكتسيا بارىسىندا مەكتەپتەردە 26 393 توننادان استام قتق جينالعانىن جانە بالاباقشالاردا 5 945 كگ جينالعانىن ايتادى", دەپ اتاپ ءوتتى ءبىلىم باسقارماسىنان.
ايتا كەتەيىك, مەملەكەت باسشىسى ءوز جولداۋىندا ەلىمىزدەگى ەكولوگيالىق مادەنيەتتى ارتتىرۋ جانە وسى باعىتتى مەكتەپتەردە وقىتۋدىڭ ماڭىزدىلىعىن اتاپ ءوتتى.
ماراپاتتاۋ ءراسىمىنىڭ سوڭىندا "ەكواسار" باستاماسىنىڭ قورىتىندىسى شىعارىلدى, جەڭىمپازدار ماراپاتتالدى. بۇل ەستافەتانى قر باسقا قالالارىنا (سەمەي, پەتروپاۆل, پاۆلودار) دا تاپسىردى.