شىعىستا شەكتەۋ شارالارى ەنگىزىلدى

وبلىستىڭ باس مەملەكەتتىك ساني­تا­ريالىق دارىگەرىنىڭ ورىنباسارى گۇلايىم تاگاەۆا وڭىردەگى كورو­ناۆيرۋس ينفەكتسياسى بويىنشا ساني­تاريالىق-ەپيدەميالىق احۋالدى سارا­لاي كەلە,  بالالار اراسىندا دا سىرقاتتانۋشىلىق جاعدايلارىنىڭ تىركەلۋىن انىقتاعان. سوڭعى مالىمەت بويىنشا, نۇر-سۇلتان قالاسىندا 19 جاعداي تىركەلسە, شىعىس قازاقستان وب­لىسىندا 11 ادامنان كوروناۆيرۋس ين­فەكتسياسى انىقتالعان.

«شىعىس قازاقستان وبلىسىنىڭ اۋماعىندا 2020 جىلعى 17 قازانداعى ساعات 00.00-دەن باستاپ 2020 جىلعى 31 قازانداعى ساعات 00.00-گە دەيىن شارۋا­شىلىق جانە (نەمەسە) وزگە دە قىزمەتپەن جانە حالىقتىڭ تىنىس-تىرشىلىگىنىڭ ەرەكشە جاعدايلارىمەن شەكتەۋ شارالارى ەنگىزىلسىن» دەپ جازىلعان قاۋلىدا.

قاۋلىدا كورسەتىلگەندەي, شەكتەۋ ءىس-شارالارىنىڭ رەجىمى مەن مەرزىمى وبلىس اۋماعىندا COVID-19 كوروناۆيرۋس ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى دا مۇمكىن.

ەندى وتباسى مۇشەلەرىن قوسپاعاندا, كوپشىلىك دەمالاتىن ورىندارعا جەكە نەمەسە 3 ادامنان اسپايتىن توپپەن عانا بارۋىڭىز كەرەك. سونداي-اق سەنبى, جەكسەنبى, مەرەكە كۇندەرى ءجۇ­رىپ-تۇرۋعا شەكتەۋ قويىلدى. ياعني ويىن-ساۋىق, سپورتتىق ءىس-شارالاردى, ميتينگىلەردى, كورمەلەردى, فورۋمداردى, سونىمەن قاتار وتباسىلىق توي-تومالاقتى, اس بەرۋدى وتكىزۋ شەكتەلدى.

ال وبلىس اۋداندارى مەن قالالا­رى اراسىندا قالاارالىق اۆتوبۋس جو­لاۋ­شىلار تاسىمالىنىڭ جۇمىس ىستەۋىنە تىيىم سالىندى. ەلدى مەكەن­نىڭ ىشىندەگى قوعامدىق كولىكتەردە جۇرگىزۋشىلەر, كوندۋكتورلار جانە جولاۋشىلار مىندەتتى تۇردە ماسكا تاعۋلارى قاجەت. كولىكتە ماسكا كيۋدى تاسىمالداۋشىلار مەن كوندۋكتورلار قاداعالايدى.

قاۋلىدا كورسەتىلگەندەي, جابىق بازارلاردىڭ جۇمىسى ساعات 17.00-گە دەيىن بولسا, اشىق جەرلەردەگى بازارلار 18.00-گە دەيىن جۇمىس ىستەيدى.

مەديتسينالىق ورتالىقتار, ستوما­تو­لوگيالار, اۆتوجۋ ورىندارى, اۆتوموبيلدەرگە تەحنيكالىق قىزمەت كورسەتۋ جانە جوندەۋ ستانسالارى, تۇر­مىستىق تەحنيكانى جوندەۋ ورىندارى جانە حالىققا قىزمەت كورسەتەتىن باسقا دا مەكەمەلەر سانيتارلىق تالاپتاردى ساقتاي وتىرىپ قىزمەتتەرىن جال­عاستىرا بەرەدى. جۇمىستارىن جۋىق­تا عانا باستاعان تەاترلار دا جابىلمايدى. تەك كەلۋشىلەر 50 ادامنان اسپاۋى كەرەك. ونىڭ وزىندە شاحمات تار­تىبىمەن ارا قاشىقتىقتى ساقتاپ وتىرادى.

الدا-جالدا رەسپيراتورلىق ين­فەك­تسيانىڭ العاشقى بەلگىلەرى پايدا بولسا, مەديتسينالىق ۇيىمعا بارماي-اق, جەدەل مەديتسينالىق كومەكتى ۇيگە شاقىرعانىڭىز ابزال.

ەسكەرتە كەتەرلىگى, وبلىستىڭ باس مەم­­لەكەت­تىك سانيتارلىق دارىگەرى­نىڭ قاۋلىسى اياسىنداعى شەكتەۋلەر­دىڭ بارلىعى قۇزىرلى ورگانداردىڭ قا­داعالاۋىندا بولادى. ەگەر ساني­تار­لىق تالاپتار بۇزىلسا, شارا قول­دانىلادى.

شىعىستاعى شەكتەۋ شارالارىنا قاتىستى تولىق مالىمەتتى www.gov.kz سايتى ارقىلى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ پاراقشاسىنان كورۋگە بولادى.

شىعىس قازاقستان وبلىسى