تەحنيكالىق جانە كاسىپتىك بىلىمگە سۇرانىس كوپ

حالىقتى «بارشاعا ارنالعان تەگىن كاسىپتىك تەحنيكالىق ءبىلىم» جوباسىنا قا­تىسۋعا كوپتەپ تارتۋ ماقساتىندا 16 اۋدان مەن قالادا جالپى سانى 712 ادامنان تۇراتىن 74 موبيلدىك توپ قۇرىلىپ, اتقارىلعان جۇمىستار ناتيجەسىمەن 2020-2021 وقۋ جىلىندا وبلىس بويىنشا باعدارلاما شەڭبەرىندە 975 ازامات قابىلدانىپ, قازىرگى تاڭدا 5 300 ازامات ءبىلىم الۋدا.

2020 جىلدىڭ 1 قىركۇيەگىندەگى جاع­داي بويىنشا 2020 جىلى كوللەدج بىتىرۋ­شىلەرىنىڭ جۇمىسقا ورنالاسقاندارىنىڭ جالپى ۇلەسى 75,6%, ونىڭ ىشىندە دۋالدى وقىتۋ جۇيەسى ارقىلى دايارلانعان تۇلەكتەردىڭ جۇمىسپەن قامتىلۋى 78,2%-دى قۇراپ وتىر. مەملەكەتتىك ءبىلىم بەرۋ تاپسىرىسىن بەكىتۋ كەزىندە ماماندارعا سۇرانىستى ايقىنداۋ ماقساتىندا وبلىس اكىمىنىڭ ورىنباسارى بەكىتكەن تىزىممەن 8 سالا بويىنشا قۇرىلعان جۇمىس توبىنىڭ ۇسىنىسىنا سايكەس جانە كونكۋرستىق كوميسسيانىڭ شەشىمى بويىنشا وبلىس اكىمدىگىنىڭ جىل سايىنعى قاۋلىلارىنا سايكەس تەحنيكالىق جانە كاسىپتىك, ورتا بىلىمنەن كەيىنگى ءبىلىمى بار كادرلارعا مەملەكەتتىك ءبىلىم بەرۋ تاپسىرىسى بولىنۋدە. 2020-2021 وقۋ جىلىنا اتالعان ءبىلىم بەرۋ تاپسىرىسى 7 291 ورىنعا ءبولىنىپ, اۋدان, قالالىق اكىمدىكتەردىڭ, سالالىق باسقارمالاردىڭ جانە جۇمىس بەرۋشىلەردىڭ ماماندارعا سۇرانىستارىنا سايكەس دايىندالىپ وتىر.

تۇرمەدەگى سوتتالعان ازاماتتاردىڭ ما­ماندىق الۋى ءۇشىن وبلىستاعى تۇزەۋ مەكەمەلەرىنىڭ بازاسىندا 3 كوللەدجدىڭ بولىمشەلەرى قۇرىلىپ, قازىرگى تاڭدا مەملەكەتتىك تاپسىرىس شەڭبەرىندە 450 سوتتالۋشى ازاماتقا جۇمىسشى مامان­دىقتارى وقىتىلۋدا.

سونىمەن قاتار مۇمكىندىگى شەكتەۋلى بالالاردىڭ ءبىلىم الۋ قۇقىقتارىن قامتا­ماسىز ەتۋ ماقساتىندا العاش رەت تۇركىستان وبلىسىندا ەرەكشە ءبىلىم بەرۋ قاجەتتىلىگى بار بالالار ءۇشىن (ساڭىراۋ بالالار) جاعداي جاسالىپ, 2 كوللەدجدە 44 ستۋدەنت تىگىن ءوندىرىسى جانە ەسەپتەۋ تەحنيكاسى ماماندىقتارى بويىنشا ينكليۋزيۆتى ءبىلىم بەرۋ ىسكە اسىرىلىپ وتىر. سونىمەن بىرگە جىل سايىن كەنتاۋ قالاسىندا مۇگەدەك ازاماتتاردى وقىتاتىن كەنتاۋ ارناۋلى كاسىپتىك كوللەدجىنە مەملەكەتتىك ءبىلىم بەرۋ تاپسىرىسىمەن 80 ازامات قىزمەت كور­سەتۋ ماماندىقتارى بويىنشا ءبىلىم الۋدا.

«قازاقستان رەسپۋبليكاسىنىڭ بالا­لار­دىڭ قۇقىقتارى تۋرالى» زاڭىنا سايكەس جىل سايىن تەحنيكالىق جانە كاسىپتىك ءبى­لىم بەرۋ ۇيىمدارىندا وقۋعا نيەت بىل­دىرگەن جەتىم بالالارعا تەگىن كاسىپتىك ءبى­لىم الۋعا جولداما بەرىلۋدە. بيىلعى وقۋ جىلىندا مەكتەپ بىتىرگەن 116 جەتىم جانە اتا-اناسىنىڭ قامقورلىعىنسىز قالعان بالالار جولداما ارقىلى كوللەدجدەردە تەگىن وقۋعا مۇمكىندىك الدى.

سوڭعى 2 جىلدا 54 كوللەدج حالىقارا­لىق اككرەديتتەۋدەن ءوتىپ, ينستيتۋتسيونالدى جانە مامانداندىرىلعان اككرەديتتەۋ­دەن وتكەنى تۋرالى سەرتيفيكاتتارعا قول جەتكىزدى.

دۋالدى وقىتۋدىڭ جول كارتاسىن كە­ڭەيتۋ اياسىندا قولونەرشىلەردى دايارلاي­تىن كوللەدجدە مامانداردى دۋالدى وقىتۋ جۇيەسىمەن دايارلاۋدى, سونى­مەن بىرگە ەلباسىنىڭ 2018 جىلعى 29 قىر­كۇيەكتەگى №762 جارلىعىمەن ما­قۇل­دانعان تۇركىستان قالاسىن تۇركى الەمى­نىڭ مادەني-رۋحاني ورتالىعى رەتىندە دا­مىتۋ جونىندەگى باس جوسپاردىڭ تۇجىرىم­داماسىنا سايكەس, تۇركىستان قالاسىنداعى قۇرىلىس وبەكتىلەرىندە جۇمىس ىستەۋ ءۇشىن وبلىستاعى قۇرىلىس ماماندارىن دايارلايتىن, سونىمەن قاتار جاڭا يندۋستريالىق ايماق اشىلۋىنا بايلانىستى تىگىن ءوندىرىسى ماماندارىن دايارلايتىن وقۋ ورىندارىن دۋالدى وقىتۋعا كوشىرۋ بويىنشا جۇمىس جۇرگىزىلىپ, بيىلعى وقۋ جىلىندا دۋالدى وقىتۋمەن ءبىلىم بەرەتىن كوللەدجدەر سانى 38-گە ارتتى, قامتىلعان ستۋدەنتتەر سانى 5 615-ءتى قۇراپ وتىر. وبلىستىق كا­سىپكەرلەر پالاتاسىمەن بىرلەسىپ اتقا­رىلعان جۇمىستار ناتيجەسىندە 418 كاسىپ­ورىنمەن كەلىسىمشارت ءتۇزىلىپ, شاعىن جانە ورتا بيزنەس سۋبەكتىلەرى دۋالدى وقىتۋعا تارتىلدى.

كادرلار دايارلاۋ ىسىندە تاراپتاردىڭ جاۋاپكەرشىلىگىن قامتاماسىز ەتۋگە, پراكتيكانى كۇشەيتۋ, جۇمىس بەرۋشىلەردىڭ تالاپتارىنا سايكەس وقىتۋدىڭ مازمۇنىن جاڭارتۋعا قاتىستى وزگەرىستەر ەنگىزىلىپ, دۋالدى وقىتۋ اياسىندا پراكتيكا 80%-عا دەيىن ءوستى.

2018-2020 وقۋ جىلىنىڭ جازعى دەمالىسى كەزىندە قۇرىلىس ماماندارىن دايارلايتىن 12 كوللەدج ستۋدەنتى جانە 2 كوللەدجدەن ەرىكتى جاستار وبلىس اۋماعىنداعى قۇرىلىس وبەكتىلەرىندە جالپى سانى 511 ستۋدەنتتى قۇرايتىن قۇرىلىس وتريادتارى جۇمىس ىستەدى جانە ماقتاارال اۋدانىندا تەحنوگەندىك سيپاتتاعى توتەنشە جاعدايدان زارداپ شەككەن ۇيلەردىڭ عيماراتتارى قۇرىلىسىن سالۋعا 5 كوللەدجدەن 100-دەن اسا ستۋدەنت جۇمىلدىرىلىپ 5 تۇرعىن ءۇيدى سالىپ تۇرعىندارعا كىلتىن ۇستاتتى.

سونىمەن قاتار 2020 جىلى ماۋسىم ايىندا ارىس قالاسىنداعى جارىلىستىڭ سالدارىنان زارداپ شەككەن ازاماتتارعا كومەك كورسەتۋ ماقساتىندا 850 كوللەدج قىزمەتكەرى ەرىكتى تۇردە قالانى قال­پى­نا كەلتىرۋ جۇمىستارىنا جوعارى بەلسەن­دىلىكپەن اتسالىستى.

حالىقىرالىق WorldSkills قوزعالىسىن دامىتۋ ماقساتىندا سوڭعى ەكى جىلدا وب­لىستىڭ جەتكەن جەتىستىكتەرى دە از ەمەس. 2018 جىلعى «WorldSkills Kazakhstan - 2018» ۇلتتىق چەمپيوناتىنا وبلىس­تان جىبەرىلگەن 9 ستۋدەنتتىڭ 7-ەۋى جۇلدەلى ورىن­دارعا يە بولىپ, جالپى كوماندالىق ەسەپتە 7-ورىندى يەلەنسە, 2019 جىلى چەم­پيوناتقا قاتىسۋشىلار ماسكەۋ قالا­سىنداعا DNG Mori اكادەميالىق بازاسىندا, №2 چەليابينسك پەداگوگيكالىق كول­لەدجىندە, الماتى قالاسىنداعى روتەنبەرگ كومپانياسى, DOSTI يننوۆاتسيالىق ورتا­لىعى, «Alageum Electric» اق الماتى قالا­سىنداعى قۇرىلىمدىق بولىمشەسى «لەۆينتەگراتسيا» جشس بازاسىندا, شىمكەنت قالاسىنداعى «Elianto» فيرماسى مەن «Knauf» كومپانياسىنىڭ شىم­كەنت قالاسىنداعى فيليالىندا, «شىم­كەنت ليفت-ستوي» مەكەمەسىندە جانە ت.ب. كاسىپورىندار بازالارىندا تاعى­لىم­دامادان ءوتىپ, دايىندىق جۇمىس­تا­رىن كۇشەيتۋ ناتيجەسىمەن نۇر-سۇل­تان قالاسىندا 2019 جىلدىڭ 11-15 قا­راشا كۇندەرى وتكىزىلگەن «WorldSkills Kazakhstan-2019» V رەسپۋبليكالىق چەم­پيوناتىنا وبلىس اتىنان قاتىسقان 33 ستۋ­دەنتتىڭ 17-ءسى (4 التىن, 2 كۇمىس, 2 قولا, 9 مەدالون) جەڭىمپاز اتانىپ, جالپىكوماندالىق ەسەپتە تۇركىستان وبلىسى ءۇشىنشى ورىندى يەلەندى. 2020 جىلى 16-25 قىركۇيەك ارالىعىندا وتكىزىلگەن «WorldSkills Russia» حالىقارالىق چەم­پيوناتىنا تۇركىستان وڭىرىندەگى كەن­تاۋ كوپسالالى كوللەدجىنىڭ تۇلەگى, «WorldSkills Kazakhstan-2019» V رەسپۋب­ليكالىق چەمپيوناتىنىڭ التىن مەدال يەگەرى ماقسات ءتالىپحان «سىرلاۋ جانە ارلەۋ جۇمىستارى» قۇزىرەتتىلىگى بويىنشا قاتىسىپ, جۇلدەلى ءىىى ورىنعا يە بولدى.

2020 جىلعى «ۇزدىك پەداگوگ» اتاعىن يەلەنۋ كونكۋرسىنا وبلىستىڭ اتىنان 3 پەداگوگ ىرىكتەلىپ, ماتەريالدارى رەسپۋب­ليكالىق كوميسسياعا ۇسىنىلدى.

تەحنيكالىق جانە كاسىپتىك ءبىلىم بەرۋ­دى دامىتۋ ماقساتىندا تۇراقتى تۇردە جۇ­مىستار جۇرگىزىلىپ, ەسەلى جەتىستىكتەرگە جەتتى.

ەكونوميكانىڭ دامۋىنا قاجەتتى با­س­ىم­دىقتارعا بايلانىستى 8 سالا بويىنشا ء(بىلىم بەرۋ, قىزمەت كورسەتۋ جانە تۋريزم, تەحنيكالىق جانە تەحنولوگيالىق, كولىك, تىگىن جانە توقىما ءوندىرىسى, IT-تەح­نولوگيالار, قۇرىلىس, اۋىل شارۋاشىلى­عى) وبلىستا 17 كوللەدجدە 22 ماماندىق بويىنشا قۇزىرەتتىلىك ورتالىقتار قۇرى­لىپ, وبلىستاعى تەحنيكالىق جانە كاسىپتىك ءبىلىم بەرۋ سالاسىن دامىتۋدىڭ كەشەن­دى جوسپارى جاسالدى. قازىرگى تاڭدا اتال­عان جوسپار بويىنشا ءتيىستى ءىس-شارالار وت­كىزىلۋدە.

اتالعان جوسپارعا سايكەس بىرقاتار جۇمىس اتقارىلىپ, «نازار­باەۆ زياتكەر­لىك مەكتەپتەرى» دببۇ پەدا­گو­گي­كالىق شە­بەرلىك ورتالىعىمەن 2019 جىلى تۇزىلگەن مەموراندۋم اياسىن­دا پەداگوگيكالىق ما­ماندار جاڭارتىلعان ءبىلىم بەرۋ ماز­مۇنىن يگەرۋ ءۇشىن پەداگو­گيكالىق كوللەدج­دەر­دە ارنايى پاندەردەن ساباق بەرە­تىن 233 وقىتۋشى بىلىكتىلىگىن ارتتىرۋ كۋرسىنان ءوتتى. 2020 جىلى «تاLار» كەاق ۇيىمداستىرۋىمەن 80 ارنايى ءپان وقى­تۋشىسى, كاسىپكەرلىك نەگىزدەرىنەن 16 وقى­تۋشى, IT-تەحنولوگيادان 3 010 وقى­تۋ­شى, جالپى ورتا ءبىلىم پاندەرى بويىنشا جا­ڭار­تىلعان ءبىلىم بەرۋ مازمۇنىن وقۋعا 562 وقى­تۋشى بىلىكتىلىكتى ارتتىرۋ كۋرس­تارىنان ءوتتى.

اتالعان ورتالىقتاردىڭ جۇمىسىن جانداندىرۋ ماقساتىندا ماماندىقتار بويىنشا وبلىستىق بايقاۋ مەن سەمينارلار, سونىمەن بىرگە «Festo» (گەرمانيا) كومپانياسىنىڭ وكىلدەرىن تارتۋمەن مەحاترونيكا بويىنشا ترەنينگ, «Vision ينتەرنەت ماركەتينگ» كومپانياسىنىڭ ما­مان­دارىن تارتۋمەن IT-تەحنولوگيا سالاسى بو­يىنشا 22 ازامات وقىتۋ كۋرسىنان وتكىزىلدى.

سونىمەن قاتار كاسىپتىك ءبىلىم سالاسىن دامىتۋدا تۇركيا رەسپۋبليكاسىنىڭ تۇرىك ىنتىماقتاستىق جانە ۇيلەستىرۋ اگەنتتىگىمەن, وزبەكستان رەسپۋبليكاسى جو­عارى جانە ارنايى ورتا ءبىلىم بەرۋ مي­نيسترلىگىمەن, گەرمانيالىق KNAUF كومپانياسىنىڭ قازاقستانداعى فيليالدارىمەن سالالار بويىنشا پەداگوگ كادر­لار مەن ءبىلىم الۋشىلاردىڭ وندىرىستىك تاعىلىمداماسىن ۇيىمداستىرۋ بويىنشا كەلىسسوزدەر جۇرگىزىلدى. كەلەس اۋدا­نىنداعى №13 كوللەدج وزبەكستاننىڭ تاش­كەنت قالاسىنداعى 3 كوللەدج­بەن ىن­تى­­ماقتاستىق جۇرگىزۋ تۋرالى كەلىسىم­شارت جاساستى.

كوللەدجدەر اراسىندا كاسىپتىك ءبى­لىم بەرۋدىڭ وزىق تاجىريبەسىن تاراتۋ جا­نە تاجىريبە الماسۋ ماقساتىندا True­Conf باعدارلامالىق پورتالى ارقىلى ونلاين-ساباقتار مەن ۆيدەوكونفەرەن­تسيا­لار ۇيىمداستىرىلىپ, ەكى جىل ىشىندە (قاشىقتان وقىتۋ باستالعانعا دەيىن) 236 ونلاين-ساباق تاراتىلدى.

بۇگىنگى تاڭدا قىزمەت كورسەتۋ, تىگىن جانە توقىما ءوندىرىسى قۇزىرەتتىلىك ورتا­لىقتار وزبەكستان رەسپۋبليكاسىمەن تا­ماقتاندىرۋدى ۇيىمداستىرۋ, اسپاز, كون­ديتەر, داياشى, تىگىن ءوندىرىسى, كيىم ديزاينى, شاشتاراز, ت.ب. قىزمەت كورسەتۋ ماماندىقتارى بويىنشا «Renovation services group» جانە وزبەكستاننىڭ كور­كەمونەر اكادەمياسى جانىنداعى پ.بەنكوۆ اتىنداعى رەسپۋبليكالىق كوركەمونەر كول­لەدجىمەن ىنتىماقتاستىق ورناتىپ, بىرلەسكەن جۇمىستار اتقارۋدا.

شەتەلدىك ىنتىماقتاستىق شەڭبەرىندە كەنتاۋ پوليتەحنيكالىق كوللەدجىنىڭ قۇ­رىل­تايشىسى «كەنتاۋ ترانسفورماتور زاۋىتى» اق-پەن گەرمانيالىق كومپانيا وكىلدەرى بىرلەسىپ, ساپالى ماماندار­دى دايارلاۋ بويىنشا مەموراندۋم ءتۇزىلدى. ناتيجەسىندە كوللەدج اتاۋى «قا­زاق-نەمىس پوليتەحنيكالىق كوللەدجى» دەپ اۋىستىرىلىپ, كوللەدجدىڭ ارنايى ءپان وقىتۋشىلارى مەن كاسىپورىنداعى ستۋدەنتتەردىڭ تاجىريبە جەتەكشىسى گەر­مانيادا تاعىلىمدامادان ءوتىپ, حالىق­ارالىق تاجىريبەنى ەندىرۋدە.

تۇركىستان وبلىسىندا تەحنيكالىق جانە كاسىپتىك ءبىلىم بەرۋدى دامىتۋدىڭ 2019-2020 جىلدارعا ارنالعان وڭىرلىك باعدارلاماسى ازىرلەنىپ, اتالعان جول كارتانىڭ ءتيىستى تارماقتارىن ورىنداۋ, ساراپشىلاردى سەرتيفيكاتتاۋ جانە بىلىكتىلىگىن ارتتىرۋ ارقىلى حالىقارالىق WorldSkills ستاندارتتارىنا قول جەتكىزۋ; سونىمەن قاتار قورىتىندى اتتەستاتتاۋ كەزىندە دەمونستراتسيالىق ەمتيحاندارىن وتكىزۋ كومەگىمەن ءبىتىرۋشى تۇلەكتەردىڭ كاسىبي داعدىسىن نىعايتۋ, قورىتىندى اتتەستاتتاۋ كوميسسياسىنىڭ مۇشەلەرى بولىپ تاعايىندالاتىن جۇمىس بەرۋشىلەرگە تۇلەكتەردىڭ زاماناۋي تالاپتارعا سايكەس كەلەتىنىن دالەلدەي وتىرىپ, جۇمىسقا ورنالاسقان بىتىرۋشىلەردىڭ ۇلەسى ارتتى. بيىل جوسپار بويىنشا 2 كوللەدج­دە (10,5%) دەمونستراتسيالىق ەمتيحاندار وتكىزىلىپ, تۇلەكتەرگە Skills-سەرتي­في­كات­تارى بەرىلدى.

جوبانى جۇزەگە اسىرۋعا 2019 جىلى جاستار جىلىنىڭ اشىلۋ سالتاناتى كە­زىن­دە تۇڭعىش پرەزيدەنت ن.نازارباەۆ باس­­تاماشىلىق ەتتى. «جاستار – ەل تىرەگى» ۇلت­تىق جوباسى شەڭبەرىندە وبلىستا 12 كول­لەدجدى «جاس مامان» جوباسى اياسىن­دا 2020-2021 جىلدارى زاماناۋي قۇرال-جابدىقتارمەن قامتۋ ماقساتىندا ءتيىستى جۇمىس جۇرگىزىلۋدە. اتاپ ايتقاندا, 2020 جىلى 1,6 ملرد تەڭگەگە 5 كوللەدجدى, 2021 جىلى 2,1 ملرد تەڭگەگە 7 كوللەدجدى زاماناۋي قۇرال-جابدىقتارمەن قامتۋ ىسكە اسىرىلۋدا. اتالعان جوبا ارقىلى 12 كوللەدجدى فيندىك SapranoGroup كومپانيا­سىمەن حالىقارالىق سالالىق اككرەديت­تەۋدەن وت­كىزۋ جوسپارلانعان.

پرەزيدەنت تاپسىرماسىمەن وبلىستىق كاسىپكەرلەر پالاتاسىنىڭ ۇسىنىسى بويىن­شا 2019 جىلعى 27 جەلتوقسان كۇنى وتكەن ەلەكتروندى تەندەردىڭ قورىتىندىسىمەن 3 كوللەدج (تۇركىستان جوعارى اگرارلىق كوللەدجى, تۇركىستان يندۋستريالدى-قۇرى­لىس كوللەدجى, №16 كوللەدج) ساتىپ الۋ قۇ­قىعىنسىز سەنىمگەرلىك باسقارۋعا بەرىلدى.

قازىرگى تاڭدا, سىبايلاس جەمقورلىققا قارسى ءىس-قيمىل اگەنتتىگىنىڭ باستاماسى­مەن باسقارماعا قاراستى 26 جانە 19 جە­كەمەنشىك كوللەدجدە «Sanaly Urpaq» جوباسى جۇزەگە اسۋدا. Jastar.kz جو­باسى اياسىندا «جاستار سىبايلاس جەمقور­لىققا قارسى» تاقىرىبىندا 14 اكتسيا ۇيىمداستىرىلىپ, وعان 2 مىڭنان اس­تام ستۋدەنت قاتىستى. الەۋمەتتىك جەلى­لەردەگى ءبىلىم بەرۋ ۇيىمدارىنىڭ پاراق­شالارى ارقىلى بەينەروليكتەر تاراتىلىپ, تۇسىندىرمە جۇمىستارى جۇرگىزىلدى. سەمەستردىڭ اياقتالۋىنا وراي كوللەدج­دەردە «پاراسىز سەسسيا» اكتسيالارى مەن «جەمقورلىققا جول جوق!», «سىبايلاس جەمقورلىققا دەگەن الەۋمەتتىك كوزقاراس», «سىبايلاس جەمقورلىق – قاۋىپتى ىندەت», ت.ب. تاقىرىپتاردا سەمينارلار مەن دوڭ­گەلەك ۇستەلدەر تۇراقتى تۇردە وتكىزىلدى.

تۇركىستان قالاسى كوللەدجدەرىنىڭ ستۋ­دەنتتەرى Transparency Kazakhstan جاز­عى مەكتەبىندە وقۋ كۋرستارىنان ءوتتى. وب­لىستاعى 64 كوللەدجدە جىل سايىن ءبى­لىم كۇنى مەرەكەسىنە وراي بىرىڭعاي «ادال­دىق ساعاتى» وتكىزىلىپ, الەۋمەتتىك جەلى­لەردە «ۇستازدار سىيلىق المايدى» ۆيدەوەستافەتاسى جاريالاندى. سونىمەن قا­تار كوللەدجدەردە پاراساتتىلىق مەك­تەپتەرى, Integrity Shop دۇكەندەرى اشى­لىپ, سىبايلاس جەمقورلىققا قارسى يممۋ­نيتەتتى قالىپتاستىرۋ جۇمىستارى جۇر­گىزىلۋدە. سىبايلاس جەمقورلىقتىڭ الدىن الۋ ماقساتىندا جىل سايىن 8-10 ازا­ماتتان قۇرالاتىن باقىلاۋشىلار شتابى, 218 قوعامدىق وكىلدەن قۇرالعان ءموبيلدى باقىلاۋشىلار توبى قۇرىلىپ, كوللەدجدەردەگى قابىلداۋ ەمتيحاندا­رى كەزىندە سىبايلاس جەمقورلىق فاكتى­­لەرىنىڭ ورىن الۋىن بولدىرماۋ, ەمتي­حانداردىڭ وتۋىنە اشىقتىق پەن جا­ريالىلىق قامتاماسىز ەتىلۋدە. سونىمەن قاتار قابىلداۋ ەمتيحاندارىن وتكىزۋ كەزىندە وبەكتيۆتىلىكتى ارتتىرۋ ماقسا­تىندا تۇركىستان وبلىسى بويىنشا ار­نايى مونيتورينگتىك توپ مۇشەلەرى وقۋ ورىن­دارىنىڭ قابىلداۋ كوميسسياسى قۇرامىنا قوسىمشا بۇيرىقپەن ەنگىزىلىپ, وقۋعا قا­بىلداۋ ەمتيحاندارعا قولجەتىمدىلىگى قام­تا­ماسىز ەتىلدى. اتالعان جۇمىستار تۇ­راقتى تۇردە جالعاسىن تاۋىپ, سىبايلاس جەم­قورلىققا قارسى كۇرەس باعىتىنداعى جۇمىستار جانداندىرىلادى.

تاعى ءبىر نازار اۋدارارلىق جەتىستىك رەتىندە Jastar.kz جوباسى شەڭبەرىندە ءبىلىم ءجان عىلىم مينيسترلىگىنىڭ باستاماسىمەن «كوللەدجدەردىڭ 100 ۇزدىك ستۋدەنتى» جوباسىنا وبلىستاعى 12 ستۋدەنت ىرىكتەۋدەن ءوتىپ, 2 ءبىلىم الۋشى 100 ۇزدىك ستۋدەنت تىزى­مىنە ەنگەنىن اتاپ وتۋگە بولادى.

پەداگوگ-پسيحولوگتەردىڭ كاسىبي بىلىك­تىلىگىن ارتتىرۋ ماقساتىندا «پراۆو» قوعام­دىق قورىنىڭ «شانس» كامەلەتكە تولما­عانداردى پسيحولوگيالىق-الەۋمەتتىك, قۇ­قىقتىق قولداۋ ورتالىعىنىڭ ۇيىمداس­تى­رۋىمەن جەلتوقسان ايىندا 2 وقىتۋ سە­­مينارى ۇيىمداستىرىلىپ, وعان 51 قىز­­­مەتكەر قاتىستى. سونىمەن بىرگە «Re­Frame» تۇلعالىق دامىتۋ ورتالىعىنىڭ ما­مان­­دارىن شاقىرتۋ ارقىلۋ 66 پەداگوگ-پسي­حولوگ بىلىكتىلىگىن ارتتىرىپ, «Talap» كەاق ۇيىم­داستىرۋىمەن 2 679 پەداگوگ IT-كۋرس­تارى بويىنشا قاشىقتان وقىتۋ تەحنو­لوگياسىن مەڭگەرۋ شەڭبەرىندە ارنايى دايارلىقتان ءوتتى.

اتقارىلعان جۇمىس از ەمەس, العا قو­يىلعان ماقسات تا كوپ. الداعى ۋاقىتتا وبلىستاعى تەحنيكالىق جانە كاسىپ­تىك ءبىلىم بەرۋ سالاسىن دامىتۋ ءۇشىن ءار كول­لەدج پەداگوگىنىڭ ۇلەسى زور ەكە­نىن ەسكەرە وتىرىپ, جالپى پەداگوگتەر قاۋى­مىن قازاقستانداعى كاسىپتىك ءبىلىم بەرۋ سالا­سىنىڭ 80 جىلدىعىمەن قۇتتىق­تايمىز!

راحيا اسانوۆا,

ادامي الەۋەتتى دامىتۋ باسقارماسى باسشىسىنىڭ ورىنباسارى

تۇركىستان وبلىسى