كەشە قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ ازيا سايلاۋ ورگاندارىنىڭ قاۋىمداستىعى اتقارۋ كوميتەتىنىڭ وتىرىسىنا قاتىستى (اسوق).
كەشە قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ ازيا سايلاۋ ورگاندارىنىڭ قاۋىمداستىعى اتقارۋ كوميتەتىنىڭ وتىرىسىنا قاتىستى (اسوق).
اسوق حالىقارالىق ۇكىمەتتىك ەمەس ۇيىم بولىپ تابىلادى. ول 1998 جىلى قۇرىلدى جانە قازىرگى كەزدە ازيانىڭ 17 مەملەكەتىنىڭ ورتالىق سايلاۋ ورگاندارىن بىرىكتىرەدى.
قاۋىمداستىقتى قۇرۋدىڭ نەگىزگى ماقساتتارى ازيا وڭىرىندە دەموكراتيانى قولداۋ ماقساتىندا اشىق جانە ايقىن سايلاۋ وتكىزۋ ءۇشىن ادىستەردى تالقىلاۋ جانە ويلاپ تابۋ, سونداي-اق, سايلاۋ ورگاندارى اراسىندا اقپارات الماسۋ ءۇشىن ساياسي بەيتاراپ الاڭىن قۇرۋ بولدى.
2011 جىلعى قاراشادا اسوق باس اسسامبلەياسىنىڭ وتىرىسىندا قازاقستان رەسپۋبليكاسى ورتالىق سايلاۋ كوميسسياسى ونىڭ باسقارۋشى ورگانى – اتقارۋ كوميتەتىنىڭ مۇشەسى بولىپ سايلاندى.
اسوق جارعىسىنىڭ 3.7-بابىنا سايكەس اتقارۋ كوميتەتىنىڭ وتىرىستارى جىل سايىن وتكىزىلەدى. وسى جىلى اسوق حاتشىلىعى مەن فيليپپين سايلاۋ كوميسسياسى ۇيىمداستىرعان وتىرىس بوراكاي ارالىندا ءوتتى.
اتقارۋ كوميتەتىنىڭ وتىرىسىندا اسوق اتقارۋشى حاتشىسىنىڭ لاۋازىمى بەكىتىلدى, وزبەكستان مەن مالديۆ ارالدارى ورتالىق سايلاۋ ورگاندارىنىڭ اسوق-قا كىرۋ تۋرالى وتىنىشتەرى قارالدى, قارجىلىق ەسەبى بەكىتىلدى, دۇنيەجۇزىلىك سايلاۋ ورگاندارى قاۋىمداستىعىنىڭ (دسوق) قۇرىلتاي وتىرىسىنىڭ ناتيجەلەرى تۋرالى ەسەپ تىڭدالىپ, اسوق پەن دسوق اراسىندا ەكىجاقتى بايلانىستار ورناتۋ بويىنشا جوسپارلار تالقىلاندى, سونداي-اق اسوق باس اسسامبلەياسىنىڭ وتىرىسىن 2014 جىلى وتكىزۋ ورنى تۋرالى شەشىم قابىلداندى.
ق.تۇرعانقۇلوۆ وڭتۇستىك كورەيا, ءۇندىستان, فيليپپين جانە تايۆان ورتالىق سايلاۋ ورگاندارى دەلەگاتسيالارىنىڭ باسشىلارىمەن بىرقاتار كەزدەسۋلەر وتكىزىپ, فيليپپين سايلاۋ جۇيەسىمەن جانە سايلاۋ ورگاندارىنىڭ قۇرىلىمىمەن تانىستى.
«ەگەمەن-اقپارات».