وبلىستاعى كوروناۆيرۋس ينفەكتسياسىنىڭ ەكىنشى تولقىنىنا دايىندىق جۇمىستارىنىڭ بارىسى, پارتياىشىلىك پرايمەريزدىڭ ناتيجەلەرى, تۇراقتاندىرۋ قورىنىڭ ازىق-ت ۇلىك تاۋارلارى باعاسىنىڭ وسۋىنە جول بەرمەۋگە اسەرى مەن تۇركىستان قالاسىنىڭ اينالاسىندا قۇرىلعان "جاسىل بەلدەۋدىڭ" جۇمىستارىنىڭ بارىسى وبلىس اكىمى ومىرزاق شوكەەۆتىڭ توراعالىعىمەن وتكەن لەزدەمەلىك ماجىلىستە ورتاعا سالىندى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
اپپارات وتىرىسىندا "Nur Otan" پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ پارتياىشىلىك پرايمەريزدىڭ قوعامنان قىزۋ قولداۋ تاپقانىن باياندادى. ىرىكتەۋگە 1074 ادام تۇسكەن. 1-4 قازان ارالىعىندا وتكەن داۋىس بەرۋگە 78 262 پارتيا مۇشەسى قاتىسادى دەپ جوسپارلانىپ, ولار 245 باستاۋىش پارتيا ۇيىمدارىنا بەكىتىلگەن. وبلىستىڭ اۋدان, قالالارىندا اشىلعان 209 داۋىس بەرۋ ورىندارىندا كارانتين تاراپتارى قاتاڭ ساقتالدى.
تۇركىستان وبلىسىندا كوروناۆيرۋستىڭ ەكىنشى تولقىنىنا دايىندىق كۇشەيدى. ىندەت قايتا بەلەڭ العان جاعدايدا ءدارى تاپشىلىعى بولماس ءۇشىن ەكى ايلىق قور جينالىپ, وبلىس اۋرۋحانالارى تىنىس الۋ اپپاراتتارىمەن قامتىلۋدا. قوسىمشا توسەك-ورىندار قاجەت بولعان جاعدايدا ونىڭ سانى 5,5 مىڭعا دەيىن جەتكىزىلەدى. وبلىس باسشىسىنىڭ تاپسىرماسىمەن اۋداندىق اۋرۋحانالار كومپيۋتەرلىك توموگرافپەن, پتر زەرتحانالارىمەن جانە تسيفرلىق رەنتگەندەرمەن جابدىقتالدى. وكپەنى جاساندى جەلدەتۋ اپپاراتتارى مەن وتتەگى كونتسەنتراتتارى دا ءار اۋدانداعى ەمدەۋ مەكەمەلەرىنە تاراتىلعان. 12 جىلجىمالى مەديتسينالىق كەشەن اۋداندارعا جەتكىزىلۋدە. ناۋقاستاردى دەر كەزىندە انىقتاپ, قىزمەت كورسەتۋ ماقساتىندا ارنايى ۋچاسكەلەر مەن ءموبيلدى توپتار قۇرىلعان. تۇركىستان وبلىسى پوليتسيا دەپارتامەنتى ءوڭىردىڭ باس سانيتارلىق دارىگەرىنىڭ وبلىستا قاتاڭ كارانتيندىك شەكتەۋ شارالارىن ەنگىزۋ قاۋلىسىنا سايكەس كۇشەيتىلگەن تۇردە جۇمىستار اتقارۋدا.
تۇركىستان وبلىسى بويىنشا اۋىل شارۋاشىلىعى – جالپى وڭىرلىك ءونىمنىڭ 20% قۇرايتىن وبلىستىڭ باسىمدى سالاسى. وندىرىلەتىن جەرگىلىكتى كوكونىس, باقشا, جەمىس-جيدەك, ەت, ءسۇت ونىمدەرىمەن وبلىس تۇرعىندارى ارتىعىمەن قامتاماسىز ەتىلەدى. ال قۇس ەتى جانە جۇمىرتقامەن قامتاماسىز ەتۋ كولەمى ورتاشا 35 % قۇرايدى. حالىققا جەرگىلىكتى ونىمدەردىڭ قولجەتىمدىلىگىن ارتتىرۋ باعىتىنداعى جۇمىستار تۇراقتى باقىلاۋدا جانە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن نەگىزسىز وسىرمەۋ بويىنشا ءتيىستى شارالار اتقارىلۋدا.