ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسى شەڭبەرىندە 9-11 سىنىپتان كەيىن وقۋ ورىندارىنا تۇسپەگەن 18,4 مىڭ مەكتەپ تۇلەگىنە, سونداي-اق كاسىپتىك ءبىلىمى جوق جاستار وكىلدەرىنە, ونىڭ ىشىندە جەتىمدەرگە, مۇمكىندىكتەرى شەكتەۋلى ادامدارعا, كوپبالالى جانە تابىسى از وتباسىلاردىڭ مۇشەلەرىنە ەڭبەك نارىعىندا سۇرانىسقا يە ماماندىقتارعا تەگىن وقىتۋدان وتۋگە مۇمكىندىك بەرىلدى.
«بارشاعا ارنالعان تەگىن كاسىپتىك تەحنيكالىق ءبىلىم بەرۋ» جوباسى 2017 جىلدان باستاپ ىسكە اسىرىلۋدا جانە ول 2021 جىلعا دەيىن ەسەپتەلگەن.
2020 جىلعى 1 قىركۇيەكتەن باستاپ وقۋعا 18 مىڭنان استام جاس جىبەرىلدى, ونىڭ ىشىندە 9-سىنىپ بازاسىندا – 14,2 مىڭ ادام, 11-سىنىپ بازاسىندا – 4,2 مىڭ ادام. ونىڭ ىشىندە 4,9 مىڭ ادام – كوپبالالى وتباسى مۇشەلەرى, 5,3 مىڭ ادام – تابىسى از وتباسى مۇشەلەرى, 1,3 مىڭ ادام – وتكەن جىلداردىڭ تۇلەكتەرى, 414 جەتىم, 233 مۇگەدەك جانە 6,3 مىڭ ادام – باسقا ساناتتاعى جاستار (جۇمىسسىزدار, ينتەرناتتىق ۇيىمداردىڭ تاربيەلەنۋشىلەرى, NEET ساناتىنداعى جاستار).
كادرلاردى دايارلاۋ تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ماماندىقتارى مەن بىلىكتىلىكتەرىنىڭ سىنىپتاۋىشىنا سايكەس وقىتۋ مەرزىمدەرى مەن ءبىلىم بەرۋ دەڭگەيلەرى بويىنشا بىلىكتىلىكتەر مەن ماماندىقتار تىزبەسى نەگىزىندە ايقىندالعان 171 بىلىكتىلىك بويىنشا 370 تجكب ۇيىمىندا جۇزەگە اسىرىلادى.
تجكب بار كادرلاردى دايارلاۋدىڭ ۇزاقتىعى ءبىلىم بەرۋ باعدارلامالارىندا كورسەتىلگەن مەرزىمدەرگە سايكەس تاڭدالعان ماماندىق پەن بىلىكتىلىككە بايلانىستى (3 جىلعا دەيىن).
قاتىسۋشىلار ءتىزىمىن جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنىڭ, «اتامەكەن» وڭىرلىك كاسىپكەرلەر پالاتاسىنىڭ وتىنىمدەرى نەگىزىندە 2 062 موبيلدىك توپ قالىپتاستىردى. كادرلاردى دايارلاۋدا ەنەرگەتيكا, قۇرىلىس, كولىك, مونتاجداۋ, پايدالانۋ جانە جوندەۋ سالالارى بويىنشا, اۋىل شارۋاشىلىعى, بايلانىس, تەلەكوممۋنيكاتسيا, اقپاراتتىق تەحنولوگيالار, سەرۆيس جانە ت. ب. باعىتتار بويىنشا جۇزەگە اسىرىلادى.
جوبا شەڭبەرىندە تجكب-مەن كادرلاردى دايارلاۋداعى باستى ەرەكشەلىگى اقىسىز ۇسىنىلاتىن ءبىلىم بەرۋ, كادرلاردى دايارلاۋدىڭ دۋالدى مودەلىن پايدالانۋ بولىپ تابىلادى, وقىتۋ تەك جۇمىس بىلىكتىلىكتەرى مەن ماماندىقتارى بويىنشا جۇزەگە اسىرىلادى, سونداي-اق بارلىق قاتىسۋشىلاردى 21 787 تەڭگە مولشەرىندەگى ستيپەنديامەن, ءبىر رەتتىك تاماقپەن جانە جول جۇرۋمەن قامتاماسىز ەتەدى.
دايىندالاتىن كادرلاردىڭ باسەكەگە قابىلەتتىلىگى مەن ساپاسىن ارتتىرۋ ءۇشىن وقىتۋ 40% تەوريالىق ساباقتاردان, ال 60% وندىرىستىك پراكتيكادان تۇرادى. ول ءۇشىن ءبىلىم بەرۋ ۇيىمدارى ءىرى كاسىپورىندارمەن جانە ۇيىمدارمەن شارتتار جاساسادى. ءوز كەزەگىندە كاسىپورىندار باعدارلاماعا قاتىسۋشىلارعا جۇمىس ورىندارىن ۇسىنادى جانە ولارعا تالىمگەرلەر بەكىتەدى.
وقۋ اياقتالعاننان كەيىن تۇلەكتەرگە جۇمىسپەن قامتۋعا جاردەمدەسۋ شارالارى كورسەتىلەدى. ول ءۇشىن ءبىلىم بەرۋ ۇيىمدارى وقۋدى اياقتاعانداردىڭ ءتىزىمىن حالىقتى جۇمىسپەن قامتۋ ورتالىقتارى مەن «اتامەكەن» وكپ-عا جىبەرەدى. بۇدان باسقا, باعدارلاماعا قاتىسۋشىلار وقۋدان كەيىن 200 اەك مولشەرىندە بيزنەس-يدەيالاردى ىسكە اسىرۋعا مەملەكەتتىك گرانتتار الۋعا قۇقىلى.