پاندەميانىڭ اسەرى, ساۋدا سەكتورىنىڭ ونلاينعا كۇرت اۋىسۋعا دايىندىعى, كوتەرمە-تاراتۋ ورتالىقتارى, لوگيستيكا ماسەلەلەرى – وسى كەشەندى ماسەلەلەر ۇكپ ساۋدا كوميتەتىنىڭ وتىرىسىندا تالقىلاندى. ءىس-شاراعا «اتامەكەن» قر ۇكپ تورالقا توراعاسى تيمۋر ق ۇلىباەۆ جانە كوميتەت توراعاسى قايرات ماجىباەۆ قاتىستى.
كوميتەت باسشىسى قايرات ماجىباەۆ كاسىپكەرلەر اراسىندا ساۋدا سالاسىنداعى اينالىم سەكتورى 11%-عا تومەندەگەنىن, ساۋدا سالاسى اناعۇرلىم دامىعان جەكەلەگەن وڭىرلەردە (الماتى, نۇر-سۇلتان, شىمكەنت) ەكونوميكانىڭ قۇلدىراۋى 20%-دان اسقانىن اتاپ ءوتتى. وسى رەتتە ء«ۇي جانىنداعى دۇكەندەر» مەن گيپەرماركەتتەردىڭ ساتىلىمدار كولەمى وسكەن. مەيرامحانالار مەن كافەدەردەگى كىرىس 70-90%-عا تۇسكەن.
«كوميتەت مۇشەلەرى, نارىق قاتىسۋشىلارى, قاۋىمداستىقتارمەن اۋقىمدى جۇمىس جۇرگىزدىك. كارانتيندىك شەكتەۋلەر نەسيەلەرگە قىزمەت كورسەتۋ, قىزمەتكەرلەردى بوساتۋدا ايتارلىقتاي وزگەرىستەر اكەلدى. ساۋدا سالاسىندا 1,5 ملن ادام جۇمىس ىستەيدى, بۇل سالا الەۋمەتتىك تۇرعىدا وسال بولىپ وتىر. سوندىقتان وسى سالادا رەتتەۋ قۇرالدارى دا سارالانىپ قولدانىلۋى كەرەك, ويتكەنى ونداعى قاتىسۋشىلاردىڭ باسىم بولىگى شاعىن جانە ميكرو بيزنەستىڭ وكىلدەرى», – دەدى «اتامەكەن» ساۋدا كوميتەتىنىڭ توراعاسى قايرات ماجىباەۆ.
سپيكەرلەر شاعىن جانە ورتا كاسىپكەرلىكتى مەملەكەتتىك قولداۋدا راتسيونالدىلىقتى اتاپ ءوتتى: حالىققا الەۋمەتتىك تولەمدەر جاسالىپ, اناعۇرلىم زارداپ شەككەن سالالاردا نەسيەلىك جانە سالىقتىق جەڭىلدىكتەر بەرىلۋى. وسى قۇرالدار ارقىلى قيىن جاعدايدى ايتارلىقتاي «جۇمسارتۋعا» مۇمكىندىك جاسالدى.
«ونلاين-ساتىلىمداردىڭ اسەرىن بايقاپ وتىرمىز, ولار 25%-عا ءوسۋى مۇمكىن. وكىنىشكە قاراي, ينتەرنەتتىڭ قارقىنىنا ىلەسە الماي جاتىرمىز. بىزدەگى ينتەرنەت الاڭدار, جەتكىزۋ, قويمالار جانە جارناما 80%-عا رەيسەيلىك نەمەسە حالىقارالىق كوزدەر. وسى رەتتە بىزگە ىشكى الەۋەتتى ءوسىرىپ, كاسىپكەرلەردى قالاي شوعىرلاندىرۋ قاجەتتىگىن بايقاپ, وتاندىق الاڭداردى ءوسىرۋ ءۇشىن جەڭىلدىكتى كەزەڭدى ويلاستىرۋ قاجەت», – دەدى سالالىق كوميتەتتىڭ توراعاسى.
سونىمەن قاتار قايرات ماجىباەۆ ەاەو كەڭىستىگىندە ساۋدانى رەتتەۋدەگى ايىرماشىلىق ەكونوميكالىق وداققا مۇشە مەملەكەتتەردى ويىنشىلارىنا قوسىمشا باسىمدىق بەرىپ جاتقانىن اتاپ ءوتتى. ۇكپ باسشىسى اتالعان ماسەلەلەر ەگجەي-تەگجەيلى زەردەلەنىپ, اتالعان ۇيىمنىڭ جيىنى دەڭگەيىندە شەشىلۋى قاجەتتىگىن اتاپ ءوتتى.
تيمۋر ق ۇلىباەۆ كەدەننەن باستاپ ساقتاۋ قويمالارى, لوگيستيكاعا دەيىن ينفراقۇرالامدى دامىتۋ قاجەتتىلىگىن ايتىپ, وتاندىق ەلەكتروندى الاڭدار ۇلەسىن ارتتىرۋ يدەياسىن قولدادى. سپيكەر سالالىق كوميتەت توراعاسىنان رەتتەۋ ساياساتىن قوسا العاندا قاجەتتى قولداۋ شارالارى بويىنشا ۇسىنىستار دايىنداۋدى سۇرادى.
كەزدەسۋ سوڭىندا ۇكپ باسشىسى سالالىق كوميتەت پەن باسقارماعا بىرقاتار ناقتى تاپسىرمالار بەردى.
«كوميتەتتىڭ سالا ءۇشىن ماڭىزدى قۇجاتتاردى: ساۋدا قىزمەتىن رەتتەۋ تۋرالى جاڭا زاڭ جانە 2025 جىلعا دەيىن ساۋدا سالاسىن دامىتۋ جونىندەگى مەملەكەتتىك باعدارلامانى ازىرلەۋگە بەلسەندى قاتىسقانى ماڭىزدى. كوتەرمە-تاراتۋ ورتالىقتارى جۇيەسىن دامىتۋ ماسەلەسىندە مەملەكەتتىك شامادان تىس قاتىسۋى بولماۋى ءتيىس. ءبىزدىڭ ۇستانىمىمىز – جەكە بيزنەس باسقارۋعا ءوزى بەلسەندى قاتىسۋى كەرەك. ءوز تاراپىمىزدان ءبىز وتكىزۋ كووپەراتسياسىن جولعا قويۋعا كومەكتەسەمىز», – دەپ قورىتىندىلادى كەزدەسۋدى «اتامەكەن» ۇلتتىق پالاتاسىنىڭ باسشىسى.