EXPO 2020 Dubai كورمەسىنىڭ ۇيىمداستىرۋشىلارى كورمە وتەتىن عيماراتتاردىڭ سۋرەتتەرىن جاريالادى. كوروناۆيرۋسقا بايلانىستى اتالعان كورمە 2021 جىلعا شەگەرىلدى, بىراق كوپتەگەن نىسان كورسەتىلىمگە دايىن تۇر, دەپ حابارلايدى Egemen.kz حابار 24-كە سىلتەمە جاساپ.
كومپوزيتسيانىڭ ورتالىعى – كۇمبەزبەن كومكەرىلگەن Al Wasl Plaza. ول كورمەنىڭ ءۇش تاقىرىپتىق ايماعىنىڭ قيىلىسىندا سالىنعان. سفەراعا مۇقيات قاراعاندا كورمەنىڭ لوگوتيپىن بايقاۋعا بولادى. سوعان جاقىن جەردە ءباا ۇلتتىق پاۆيلونى ورنالاسقان. عيماراتتى يسپان ساۋلەتشىسى سانتياگو كالاتراۆا جوبالاعان. اۆتوردىڭ يدەياسى بويىنشا نىسان قالىقتاعان سۇڭقاردىڭ سۇلباسىنا ۇقساۋى كەرەك.
سونىڭ شىندە كورمە الاڭدارى, كورەرمەندەر زالى, كافە جانە VIP بولمەلەر بولادى. ورتالىق الاڭنان ءۇش تاقىرىپتىق عيمارات تارايدى. "تۇراقتى دامۋ" پاۆيلونىنىڭ جوباسىن Grimshaw ساۋلەت بيۋروسى جاساعان. ول تەحنولوگيانىڭ ەكولوگيامەن جانە تابيعاتپەن بىرلىگى تاقىرىبىنا نەگىزدەلگەن. كونسترۋكتسيادا كۇن باتارەيالارى بار ۇلكەن اسپالى توبە ورنالاسقان. ول ىلعالدى اۋادان تازا سۋ جيناپ, كەڭىستىكتى كولەڭكەلەي الادى. اينالاسىندا وسىعان ۇقساس, بىراق كىشىرەك قۇرىلىمدار دا بار. كورمە اياقتالعاننان كەيىن مۇندا عىلىم مۇراجايى اشىلادى.
ءۇشىنشى ايماق "مۇمكىندىكتەر" دەپ اتالادى, بىراق ۇيىمداستىرۋشىلار عيماراتتاردىڭ سۋرەتتەرىن كورسەتكەن جوق. كورمە الاڭىنا تورلى كومىرتەكتى تالشىق پورتالدارى بار ءۇش نەگىزگى كىرەبەرىس كىرەدى. ءاربىر توننەلدىڭ ۇزىندىعى 30 مەتر, بيىكتىگى 21 مەتر. ۇيىمداستىرۋشىلار اتقارىلعان جۇمىس كولەمىن ەسەپتەگەندە 210 ميلليون ساعاتتى قۇرادى.