اقش پرەزيدەنتى دونالد ترامپتىڭ كوروناۆيرۋس ىندەتىنەن ەمدەلۋىنە 100 مىڭ دوللاردان اسا قاراجات كەتكەن, دەپ حابارلايدى Egemen.kz New York Times-كە سىلتەمە جاساپ.
ءۇش كۇن ەم العان اق ءۇي باسشىسى اۋرۋحاناعا تىكۇشاقپەن بارىپ, تىكۇشاقپەن قايتقان.
"ول كوپتەگەن كوروناۆيرۋس تەستىنەن ءوتىپ, وتتەگى, ستەرويدتەر مەن انتيدەنەلەرگە قاتىستى ەكسپەريمەنتتىك ەم الدى. امەريكالىق دەنساۋلىق ساقتاۋ جۇيەسىندە پرەزيدەنت ەمەس ادام ءۇشىن بۇل ەمدەۋ شارالارىنا 100 مىڭ دوللاردان اسا قاراجات كەتەدى", دەپ حابارلادى NYT. باسىلىم اۋرۋحاناعا تىكۇشاقپەن بارىپ قايتۋ 40 مىڭ دوللاردى قۇراۋى مۇمكىن ەكەنىن اتاپ ءوتتى. ايتا كەتسەك, كوروناۆيرۋس جۇقتىرعان ترامپ ءۇش كۇن اۋرۋحانادا ەمدەلىپ, دۇيسەنبىدە اۋرۋحانادان شىعارىلدى.