كوروناۆيرۋس جۇقتىرعان 1851 ادام ستاتسيونارلاردا ەم قابىلداپ جاتىر, دەپ حابارلايدى Egemen.kz.
"قازىرگى ۋاقىتتا كوروناۆيرۋستىق ينفەكتسيادان 3 180 ادام ەم قابىلداۋدى جالعاستىرۋدا. ولاردىڭ اراسىندا 70 وسكىنشەك بالا بار. ستاتسيونارلاردا 1 851 ناۋقاس جاتىر. 1 329 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 86 ادامنىڭ جاعدايى ناشار. سونىڭ ىشىندە 14 ناۋقاستىڭ احۋالى اسا قاتتى اۋىر دەپ باعالانۋدا. 16 ناۋقاس وكپەنى جاساندى جەلدەتۋ اپپاراتىندا جاتىر", دەلىنگەن حابارلامادا.
سونداي-اق وتكەن تاۋلىكتە COVID-19 بەلگىلەرى بار پنەۆمونيامەن 7 ادام تىركەلدى. وكىنىشكە قاراي 1 ادام قايتىس بولدى, 10 ناۋقاس جازىلىپ شىقتى.
ايتا كەتەيىك, 1 تامىزدان بەرى كوروناۆيرۋس بەلگىلەرى بار پنەۆمونيامەن اۋىرعاندار سانى 33 615-كە جەتتى, 361 ادام قايتىس بولدى, بارلىعى 27 517 پاتسيەنت ساۋىعىپ شىقتى.