ورال قالاسىنداعى «دايۆپرومتەحسەرۆيس» جشس ەلىمىزدە وتە سيرەك كەزدەسەتىن كاسىپپەن اينالىسادى. اتاپ ايتقاندا, جەكەمەنشىك كاسىپورىن سۋ استىنداعى تەحنيكالىق جۇمىستاردى ساپالى تۇردە اتقارا الادى. ونىڭ جەتەكشىسى, جاڭاشىل ينجەنەر سۆەتلانا لاكەەۆانىڭ سۋ استىنداعى جۇمىستىڭ ماڭىزى مەن ەرەكشەلىگىن دالەلدەپ بەرگەن تىڭ جوباسى مەملەكەتتىك گرانتتى جەڭىپ الىپتى. وعان ءوز قاراجاتىن قوسقان مەنشىك يەسى ارنايى قۇرال-جابدىقتارمەن وزدەرىن تولىق جابدىقتاعان.
ورال قالاسىنداعى «دايۆپرومتەحسەرۆيس» جشس ەلىمىزدە وتە سيرەك كەزدەسەتىن كاسىپپەن اينالىسادى. اتاپ ايتقاندا, جەكەمەنشىك كاسىپورىن سۋ استىنداعى تەحنيكالىق جۇمىستاردى ساپالى تۇردە اتقارا الادى. ونىڭ جەتەكشىسى, جاڭاشىل ينجەنەر سۆەتلانا لاكەەۆانىڭ سۋ استىنداعى جۇمىستىڭ ماڭىزى مەن ەرەكشەلىگىن دالەلدەپ بەرگەن تىڭ جوباسى مەملەكەتتىك گرانتتى جەڭىپ الىپتى. وعان ءوز قاراجاتىن قوسقان مەنشىك يەسى ارنايى قۇرال-جابدىقتارمەن وزدەرىن تولىق جابدىقتاعان.
– ءبىز سۋ استىندا قۇبىرلار مەن كابەلدەر جۇرگىزەمىز. مەتالل قۇرىلعىلارىن قۇراستىرامىز. گيدروتەحنيكالىق نىسانداردى دا جوندەي الاتىن سەرىكتەستىك تەڭىز تۇبىندەگى جاعدايعا مونيتورينگ تە جاساپ بەرە الادى. بۇل ەرەكشە جۇمىستاردىڭ ءبارى ءتيىستى كەلىسىمشارت پەن تاپسىرىس بويىنشا اتقارىلادى, – دەيدى جشس جەتەكشىسى.
ءبىزدى تاعى ءبىر قىزىقتىرعان جايت, «دايۆپرومتەحسەرۆيستىڭ» سۋدا وزدەرىن بالىقتاي ەركىن سەزىنەتىن ماماندارى سونىمەن بىرگە وزەن, كولدەر مەن تەڭىز تۇبىندە نە بولىپ جاتقانىن تەكسەرىپ بەرە الادى. بۇل جۇمىستاردى جۇرگىزەتىن ارنايى مامانداندىرىلعان سۇڭگۋىرلەر بار. ولار سۋ استى الەمىن تۇسىرەتىن ارنايى بەينەكامەرالارمەن جابدىقتالعان. وسى ارقىلى قاراساڭىز سۋ استى قوقىسقا تولى ەكەنىنە اركىم كوزىن جەتكىزە الادى. مۇندا نەلەر جوق دەيسىز؟ كادىمگى تۇرمىستىق قالدىقتاردان باسقا باياعىدا سۋعا باتىپ كەتىپ, سۋ استىن ماڭگى مەكەن ەتكەن قايىقتار مەن كاتەرلەردى كورەر ەدىڭىز.
ايتالىق, جايىق وزەنىنىڭ ەكولوگيالىق جاعدايى جونىندە ءجيى ايتىلعانىمەن, ونى تازارتۋ جۇمىستارى ءالى كۇنگە دەيىن قولعا الىنباعانىنا س.لاكەەۆا ۇلكەن قىنجىلىس ءبىلدىردى.
– سۇڭگۋىر – ەلىمىزدە وتە سيرەك كەزدەسەتىن ماماندىقتاردىڭ ءبىرى. مۇنداي كاسىپ يەلەرى كەز كەلگەن جەردەن تاپتىرا بەرمەيدى. وسىنداي زارۋلىك پەن تاپشىلىقتى قالاي رەتتەپ ءجۇرسىز؟ ءبىز كوكەيگە كەلگەن وسى ساۋالدى ارنايى مامانداندىرىلعان كاسىپورىن يەسىنە قويدىق. ول بۇعان توسىلماي تومەندەگىشە جاۋاپ قايتاردى.
– ونىڭ ەشقانداي قۇپياسى دا, قيىندىعى دا جوق. مەن «دايۆپرومتەحسەرۆيستەن» باسقا «لاكەەۆا ج.ك.» مەن «جەكە وقىتۋ مەكەمەسىنە» جەتەكشىلىك ەتەمىن. ونىڭ ءبىرىنشىسى جۇمىسشى مامانداردى دايارلاۋ جانە قايتا دايارلاۋ, كاسىبي دەڭگەيلەرىن كوتەرۋ ماسەلەلەرىمەن شۇعىلدانادى. ال, ەكىنشىسى ولاردى اتتەستاتسيادان وتكىزەدى. زاڭ تالاپتارى بويىنشا ءوزىم دايارلاعان مامانداردى ءوزىم اتتەستاتسيادان وتكىزۋگە بولمايدى ەكەن. سوندىقتان, بەلگىلەنگەن ەرەجەگە سايكەس جەكە وقىتۋ مەكەمەسىن قۇرۋعا تۋرا كەلدى. ءسويتىپ, ءوزىم دايارلاعان مامانداردى «جەكە وقىتۋ مەكەمەسى» ارقىلى اتتەستاتسيادان وتكىزىپ ءجۇرمىن. وسى ارادا ايتايىن دەگەنىم, ورتالىق سۇڭگۋىرلەردى دە وزدەرى دايارلايدى. سونداي-اق, سۋ استىنداعى تەحنيكالىق جۇمىستاردى اتقارۋعا داعدىلاندىرۋ ءۇشىن ارنايى كۋرستار مەن ناقتى تاجىريبەلىك شارالار جۇرگىزەمىز, دەيدى س.لاكەەۆا.
ءيا, سۋ استىنداعى سان الۋان جۇمىستاردى اتقارۋعا باستاماشى بولىپ جۇرگەن سۆەتلانا لاكەەۆا حانىمنىڭ ىسىنە تاڭعالماسقا, ءتانتى بولماسقا لاجىڭ جوق. مۇنداي ءىس-ارەكەت باتىل, ەرىك-جىگەرى مول ادامداردىڭ قولىنان عانا كەلسە ەكەن. سولاردىڭ ءبىرى, ءبىرى ەمەس-اۋ بىرەگەيى ايەل زاتى بولعانىنا قاراماستان, وتكىرلىك پەن تاپقىرلىق ءارى كاسىبيلىك ۇلگىسىن كورسەتىپ جۇرگەن بۇگىنگى كەيىپكەرىمىز ەكەنى حاق.
تەمىر قۇسايىن,
«ەگەمەن قازاقستان».
ورال.