تيۋمەن مەملەكەتتىك ۋنيۆەرسيتەتىنىڭ عالىمدارى پاتوگەندەردىڭ پرەپاراتتارعا توزىمدىلىگىن جەڭەتىن امبەباپ تابيعي انتيبيوتيك تاپتى, دەپ حابارلايدى Egemen.kz. زەرتتەۋ ءماتىنى Applied Biochemistry and Microbiology جۋرنالىندا جاريالانعان.
اۆتورلار تابىلعان زات باكتەريالار مەن ساڭىراۋقۇلاقتار تۋدىراتىن ادام مەن جانۋارلاردىڭ كوپتەگەن جۇقپالى اۋرۋلارىمەن ءتيىمدى كۇرەسۋگە كومەكتەسەتىنىن ايتادى.
ماقالادا فارماكولوگيانىڭ مىندەتتەرىنىڭ ءبىرى نارىقتا قولجەتىمدى انتيبيوتيكتەرگە بىرنەشە (multi-drug resistant, MDR) نەمەسە ءابسوليۋتتى (extreme-drug resistant, XDR) توزىمدىلىگى بار ميكروورگانيزمدەرمەن كۇرەسۋگە قابىلەتتى تابيعي انتيبيوتيك ەكەنى جازىلعان.
زەرتتەۋشىلەر الكالوفيلدى ميتسەلليالدى ساڭىراۋقۇلاقتان بولىنەتىن ەمەريتسيلليپسين ا پەپتيدىنىڭ ەرەكشە قاسيەتى بارىن انىقتادى. ساراپشىلاردىڭ پىكىرىنشە, زات باكتەريالاردا بيوفيلمدەردىڭ پايدا بولۋ قابىلەتىن تەجەيدى, سوندىقتان بۇل قوزدىرعىشتاردىڭ انتيبيوتيكتەرگە توزىمدىلىگى جوعالادى.