قازىرگى كەزەڭدە زاۋىتتىڭ قۇرىلىس جۇمىستارىنا دايىندىق اياقتالدى. ەكولوگيا جانە تابيعي رەسۋرستار مينيسترلىگىمەن ينۆەستيتسيالىق كەلىسىم جاسالىپ, قالدىق جەتكىزۋ جانە وندىرىلەتىن ەلەكتر قۋاتىن ەنەرگوجۇيەگە بەرۋ بويىنشا نەگىزگى كەلىسىمدەر بەكىتىلدى. جوبا حالىقارالىق ەكولوگيالىق ستاندارتتارعا سايكەس كەلەتىن زاماناۋي اۆتوماتتاندىرىلعان گاز تازارتۋ جۇيەلەرىمەن جابدىقتاۋدى كوزدەيدى. قۇرىلىس كەزەڭىندە شامامەن 700 جۇمىس ورنى اشىلادى, ال نىسان پايدالانۋعا بەرىلگەننەن كەيىن 120-عا جۋىق تۇراقتى جۇمىس ورنى قۇرىلماق.
«تازا قازاقستان»: پوليتسيا 3 مىڭنان استام زاڭسىز قوقىس ءۇيىندىسىن جويدى
اتالعان جوبانى جۇزەگە اسىرۋ پوليگوندارعا تۇسەتىن جۇكتەمەنى ازايتىپ, قالدىق كولەمىن قىسقارتۋعا جانە ولاردى قايتا وڭدەۋ ارقىلى قوسىمشا ەلەكتر قۋاتىن وندىرۋگە مۇمكىندىك بەرەدى.
الماتى وبلىسىندا «تازا بەيسەنبى» اكتسياسى بارىسىندا 35 توننا قوقىس پوليگونعا جونەلتىلدى
ەسكە سالا كەتەيىك, 2025 جىلى 29 تامىزدا قازاقستان رەسپۋبليكاسى ەكولوگيا جانە تابيعي رەسۋرستار مينيسترلىگى مەن Junxin Environmental Protection كومپانياسى اراسىندا الماتى قالاسىندا ەلەكتر قۋاتىن وندىرەتىن قوقىس وڭدەۋ زاۋىتىن سالۋ جونىندەگى ينۆەستيتسيالىق كەلىسىمگە قول قويىلعان بولاتىن. اتالعان كومپانيا «جاسىل» ەنەرگەتيكا جانە قالدىق وڭدەۋ سالاسىنداعى ءىرى وپەراتورلاردىڭ ءبىرى سانالادى, 455 پاتەنتكە يە جانە وسى باعىتتاعى جوبالاردى جۇزەگە اسىرۋدا مول تاجىريبەسى بار.