الماتى حالىقارالىق اۋەجايىنىڭ پرەزيدەنتى گوكەر كوسە قازاقستان رەسپۋبليكاسىنىڭ كولىك ءمينيسترى نۇرلان ساۋرانباەۆ پەن الماتى اكىمىنىڭ ءبىرىنشى ورىنباسارى الماسحان سماتلاەۆقا اۋەجايدى اۋقىمدى جاڭعىرتۋ جوباسىنىڭ جۇزەگە اسۋ بارىسىن تانىستىردى, دەپ حابارلايدى Egemen.kz.
جۇمىس ساپارى ىشكى رەيستەر تەرمينالىنان (ت1) باستالدى. مۇندا كەشەندى جاڭارتۋ جۇمىستارى قولعا الىنعان. دەلەگاتسيا جولاۋشىلاردى تىركەۋ جانە جۇك بەرۋ ايماقتارىنداعى وزگەرىستەرمەن تانىستى. اۋەجاي باسشىسىنىڭ ايتۋىنشا, تەرمينالدى جاڭعىرتۋ بيىل شىلدە ايىندا اياقتالادى دەپ جوسپارلانعان.
الماتى اۋەجايىنداعى اۆتوتۇراقتار كەڭەيتىلەدى
سونداي-اق, اۆتوتۇراقتى كەڭەيتۋ جانە اۋەجاي اۋماعىندا قوناق ءۇي كەشەنىن سالۋعا ارنالعان جەر تەلىمىنە قاتىستى جوسپارلار ۇسىنىلدى.