كەشە ۆاشينگتوندا تىلشىلەرگە ارنالعان كەشتە اتىس بولىپ, اقش پرەزيدەنتى دونالد ترامپ جەدەل تۇردە قاۋىپسىز جەرگە جەتكىزىلدى, دەپ حابارلايدى Egemen.kz.
كەزدەسۋگە قاتىسقان ۆيتسە-پرەزيدەنت دجەي دي ۆەنس پەن ترامپ اكىمشىلىگىنىڭ مۇشەلەرى دە زالدان اسىعىس شىققان. CNN مالىمەتىنشە, ترامپ قازىر قاۋىپسىز جەردە. اكىمشىلىك وكىلىنىڭ ايتۋىنشا, مينيسترلەر كابينەتىنىڭ مۇشەلەرى دە امان-ەسەن.
اتىس بولعان ساتتە اقش قۇپيا قىزمەتىنىڭ اگەنتتەرى بىردەن وقىس وقيعا تۋرالى داۋىستاپ حابارلاعان. ءىس-شارا ۆاشينگتونداعى Hilton قوناقۇيىندە وتكەن.
قازىر اتىس شىعارعان ادام ۇستالدى. جۋرناليستەر ونىڭ جاعدايى تۋرالى ناقتى مالىمەت ازىرگە جوق ەكەنىن حابارلادى. الدىن الا دەرەكتەر بويىنشا, ول − كاليفورنيا شتاتىنىڭ توررانس قالاسىنان كەلگەن 31 جاستاعى كوۋل توماس اللەن.
ترامپتىڭ مالىمدەمەسىنەن كەيىن مۇناي باعاسى كۇرت قىمباتتادى
CNN دەرەگىنشە, اتىس سالدارىنان قۇپيا قىزمەتتىڭ ءبىر اگەنتى جارالانعان. وق ونىڭ قورعانىس كيىمىنە تيگەن, ول جەرگىلىكتى اۋرۋحاناعا جەتكىزىلدى.
جوعارى لاۋازىمدى اكىمشىلىك وكىلىنىڭ ايتۋىنشا, ترامپ قاۋىپسىز جەردە جانە ول شەنەۋنىكتەرگە كەشكى اسقا قايتا ورالۋدى جوسپارلاپ وتىرعانىن ايتقان.
ترامپ Truth Social الەۋمەتتىك جەلىسىندە اتىس جاساعان ادامنىڭ ۇستالعانىن جازىپ, قۇپيا قىزمەت پەن قۇقىق قورعاۋ ورگاندارىنىڭ جەدەل ءارى باتىل ارەكەتتەرىن جوعارى باعالادى.
«الداعى 2-3 اپتادا يرانعا جويقىن سوققى جاسايمىز»: ترامپ سوعىستىڭ قاشان اياقتالاتىنىن ايتتى
بىرنەشە مينۋتتان كەيىن جاريالانعان كەلەسى جازباسىندا پرەزيدەنت قۇقىق قورعاۋ ورگاندارىنىڭ وتىنىشىمەن وقيعا ورنىنان كەتكەنىن جانە اق ۇيگە قايتىپ بارا جاتقانىن حابارلادى. سونداي-اق, ول ءباسپاسوز كونفەرەنتسياسىن وتكىزۋدى جوسپارلاپ وتىرعانىن ايتتى.