قوعامدىق كولىكتى ودان ءارى دامىتۋ ماقساتىندا LRT جوباسىنىڭ ەكىنشى كەزەڭى ىسكە اسىرىلا باستادى, دەپ حابارلايدى Egemen.kz.
اتاپ ايتقاندا, «استانا-1» ۆوكزالى, «جاعالاۋ» شاعىن اۋدانى, قوسشى قالاسى باعىتى بويىنشا جاڭا جەلىنىڭ قۇرىلىسىن جۇرگىزۋ جوسپارلانىپ وتىر. 20 ستانتسيادان تۇراتىن ەكىنشى كەزەڭنىڭ جالپى ۇزىندىعى 26,5 شاقىرىمدى قۇرايدى.
مەملەكەت باسشىسى قاسىم-جومارت توقاەۆ LRT قۇرىلىسىن جۇرگىزىپ جاتقان قىتايلىق كومپانيا وكىلدەرى مەن CTS Transportation, Astana LRT جۇمىسشىلارىنا ساتتىلىك تىلەپ, جوبانى ودان ءارى جالعاستىرۋدى تاپسىردى.