الماتىدا قولىنا گاز كىلتىن ۇستاپ قان-جوسا بولىپ سۇلۋلىق سالونىنا كىرگەن ەر ادام قىزمەتكەرلەردى شوشىتتى. ول اكىمشىلىككە سەس كورسەتىپ, جۋىنىپ الماق بولعان. بۇل تۋرالى زاڭگەر اننا چەرنوۆا مالىمدەدى, دەپ حابارلايدى Egemen.kz.
بەيمالىم ەر ادام سالونعا كىرىپ, اكىمشىگە دورەكى تۇردە اجەتحانانىڭ قايدا ەكەنىن كورسەتۋدى تالاپ ەتكەن. قىزمەتكەر ودان كەتۋىن سۇراعاندا: «ال ەگەر مەن بىرەۋدى ءولتىرىپ قويعان بولسام شە؟» دەپ سەس كورسەتكەن. زارەسى ۇشقان بويجەتكەن وعان ەسىكتى كورسەتىپ, ەر ادام جۋىنعاننان كەيىن عانا عيماراتتان شىعىپ كەتكەن. سالون قىزمەتكەرى بىردەن پوليتسياعا حابارلاسقان.
الماتىدا ايالدامادا زەينەتكەردى اياۋسىز سوققىعا جىققان ەر ادام ۇستالدى
الماتى قالالىق پوليتسيا دەپارتامەنتى ەر ادامنىڭ جەكە باسى انىقتالىپ, جەدەل تۇردە ۇستالعانىن حابارلادى. الدىن الا مالىمەت بويىنشا, ول ماس كۇيدە بولعان.
«ونىڭ دەنە جاراقاتىن ءوزى سالعانى انىقتالدى. ۆيدەوداعى قان – ءوز قانى. وزگە ادامدارعا زيان كەلتىرۋ فاكتىسى تىركەلگەن جوق. ول اينالاسىنداعىلارعا ەشقانداي قاۋىپ توندىرمەگەن», دەپ مالىمدەدى ۆەدومستۆو وكىلدەرى.
الەۋمەتتىك جەلىدە تاراعان ۆيدەودا ۇستالعان ادامنىڭ جانىنان ارماتۋرا مەن پىشاق تابىلعانى ايتىلعان. قازىرگى ۋاقىتتا قۇقىق قورعاۋ ورگاندارى وقيعانىڭ بارلىق جاعدايىن جان-جاقتى زەرتتەپ جاتىر.
اتىراۋدا تىكەلەي ەفيردە قىزدى اياۋسىز ۇرعان جىگىت ۇستالدى