اقتاۋداعى ماڭعىستاۋ اتوم ەنەرگەتيكالىق كومبيناتىنىڭ ەكى قىزمەتكەرى جۇمىس بارىسىندا تۇز قىشقىلىنا كۇيىپ قالدى, دەپ حابارلايدى Egemen.kz.
ماڭعىستاۋ وبلىسى بويىنشا مەملەكەتتىك ەڭبەك ينسپەكتسياسى دەپارتامەنتىنىڭ مالىمەتىنشە, وقيعا 23 ءساۋىر كۇنى تاڭعى ساعات 10:30 شاماسىندا №1 تسەحتا بولعان. الدىن الا اقپاراتقا سايكەس, ەكى جۇمىسشى نەگىزگى گتپي-3 كوندەنساتورىن قىشقىلمەن جۋ جۇمىستارىن جۇرگىزگەن. تۇز قىشقىلى ەرىتىندىسى ارنايى سورعى ارقىلى شلانگپەن بەرىلگەن. جۇمىس اياقتالىپ, سورعى سوندىرىلگەننەن كەيىن شلانگتى اجىراتۋ كەزىندە قىشقىل ەرىتىندىسى شاشىراپ, ونىڭ تامشىلارى جۇمىسشىلاردىڭ بەتى مەن كوز ايماعىنا تيگەن.
اقتاۋداعى ماەك-تە ەكى جۇمىسشى قايناعان سۋعا كۇيىپ قالدى
زارداپ شەككەندەر مەديتسينالىق كومەك كورسەتۋ ءۇشىن ماڭعىستاۋ وبلىستىق اۋرۋحاناسىنا جەتكىزىلدى.
«جازاتايىم وقيعا تۋرالى جۇمىس بەرۋشى بەلگىلەنگەن تارتىپپەن مەملەكەتتىك ەڭبەك ينسپەكتسياسى دەپارتامەنتىنە حابارلادى. قازىرگى ۋاقىتتا الىنعان جاراقاتتاردىڭ اۋىرلىق دارەجەسى بويىنشا مەديتسينالىق قورىتىندىنى كۇتىپ وتىرمىز. ەگەر اۋىر نەمەسە توپتىق جازاتايىم وقيعا بەلگىلەرى انىقتالسا, تەرگەۋ مەملەكەتتىك ەڭبەك ينسپەكتورىنىڭ قاتىسۋىمەن ارنايى تەكسەرۋ تۇرىندە جۇرگىزىلەدى», دەدى ماڭعىستاۋ وبلىسى مەملەكەتتىك ەڭبەك ينسپەكتسياسى دەپارتامەنتى باسشىسىنىڭ مىندەتىن اتقارۋشى باۋىرجان كەمالوۆ.
قىزىلورداداعى بالاباقشادا ءبۇلدىرشىن قايناعان سۋعا كۇيىپ قالدى