ۇلتتىق بانك تەڭگەنىڭ السىرۋىنە قاتىستى تۇسىنىك بەردى

بۇگىنگى بيرجا ساۋدا-ساتتىعىنداعى تەڭگەنىڭ ءبىر اقش دوللارىنا شاققانداعى باعامى 423,70 دەڭگەيىندە جابىلدى.

"مۇناي نارىعىنداعى تەرىس سەرپىن قازاقستاننىڭ ۆاليۋتا نارىعىنا دا اسەر ەتتى. كەشەگى كۇنى تەڭگە 0,2%-عا السىرەدى, ال بۇگىن ساۋدا-ساتتىقتى 422,9-دان باستاپ, ءبىر كۇندە 0,4%-عا السىرەدى. قازاقستان قور بيرجاسىنىڭ ساع. 17:00-دەگى جابىلۋ باعامى 423,70 دەڭگەيىندە تىركەلدى. ۇلتتىق ۆاليۋتانىڭ سەرپىنى نەگىزگى ىرگەلى فاكتورلار قوزعالىسىنىڭ سوڭىنان ىلەسۋدە", دەپ ءتۇسىندىردى بانكتىڭ ءباسپاسوز قىزمەتى.