قازاقستاندىق كاسىپقوي بوكسشى باتىر جۇكەمباەۆ (18-0, 14 KO) وزبەكستاندىق بىلعارى قولعاپ شەبەرى شوحجاحون ەرگاشەۆپەن (18-0, 16 KO) جۇدىرىقتاسۋدان باس تارتقان. بۇل تۋرالى كانادانىڭ Journaldemontreal.com سايتى مالىمدەدى.
باسىلىمنىڭ جازۋىنشا, جۇكەمباەۆتىڭ پروموۋتەرى كاميل ەستەفان بوكسشىنىڭ باپكەرىنە كەلىسىمشارت ۇسىنعاندا جاتتىقتىرۋشى ۇسىنىستى قۋانا قابىلداعان. ءتىپتى ول بۇل ايقاستا باتىر جۇكەمباەۆتىڭ جەڭىسكە جەتەتىنىنە سەنىمدى بولعان. الايدا قازاقستاندىق بوكسشى ەرگاشەۆپەن كەزدەسكىسى كەلمەگەن.
باتىر جۇكەمباەۆ كاسىپقوي بوكستاعى سوڭعى جەكپە-جەگىن وسى جىلدىڭ قاڭتار ايىندا مونرەالدا (كانادا) وتكىزىپ, مەكسيكالىق بوكسشى ريكاردو لارانى (22-8, 10 كو) ەكىنشى راۋندتا نوكاۋتپەن جەڭگەن ەدى.