مەملەكەت باسشىسى قاسىم-جومارت توقاەۆتىڭ بۇۇ-نىڭ 75 جىلدىعىنا ارنالعان جوعارى دەڭگەيدەگى ءىس-شارادا سويلەگەن سوزىندە الداعى ونجىلدىق 2030 جىلعا دەيىنگى ورنىقتى دامۋدىڭ كۇن تارتىبىندە تۇرعان مىندەتتەرىن جۇزەگە اسىرۋ جانە قازىرگى زامانعى داعدارىستاردى ەڭسەرۋدىڭ ءتيىمدى جولىن تابۋ ءۇشىن شەشۋشى كەزەڭ بولادى, دەپ حابارلايدى Egemen.kz.
"بۇل اۋقىمدى ماقسات ورتاق كۇش-جىگەردى جانە جاۋاپكەرشىلىكتى تالاپ ەتەدى. ءبىز باس حاتشى انتونيۋ گۋتەرريشتىڭ تاباندى كوشباسشىلىق قىزمەتىنە ريزاشىلىق بىلدىرەمىز. سونداي-اق, ونىڭ بىرىككەن ۇلتتار ۇيىمىنداعى تيىمدىلىكتى, اشىقتىق پەن ايقىندىقتى ارتتىرۋ جونىندەگى قازىرگى جۇمىسىنا قولداۋ كورسەتەمىز", دەدى پرەزيدەنت.
سونداي-اي قاسىم-جومارت كەمەل ۇلى قازاقستان بۇۇ-نىڭ ميسسياسى مەن جارعىسىن بەرىك ۇستانادى. سونىمەن قاتار, ەلىمىز تۇراقتى, ادىلەتتى جانە وركەندەگەن الەم قۇرۋ جولىنداعى ورتاق مىندەتتى جۇزەگە اسىرۋعا اتسالىساتىنىن ايتتى.
"بىرىككەن ۇلتتار ۇيىمى اۋقىمدى ءارى بىردەن-ءبىر امبەباپ حالىقارالىق ۇيىم رەتىندە شىن مانىندە بالاماسىز بولىپ قالا بەرەتىنىنە سەنىمدىمىن", دەدى پرەزيدەنت.