بۇۇ-نىڭ تەرەڭ تاريحى بەلسەندى ۇجىمدىق كۇش-جىگەردىڭ ارقاسىندا كەڭ اۋقىمدى ماسەلەلەردى تالقىعا سالۋ كەزەڭى بولدى. بۇل تۋرالى قازاقستان پرەزيدەنتى قاسىم-جومارت توقاەۆ بىرىككەن ۇلتتار ۇيىمى باس اسسامبلەياسىنىڭ مەرەيتويلىق سەسسياسى اياسىندا بۇۇ 75 جىلدىعىنا ارنالعان جوعارى دەڭگەيدەگى كەزدەسۋدەگى بەينەۇندەۋىندە ايتتى, دەپ حابارلايدى Egemen.kz
«ادامزات جىلناماسىنداعى ەڭ جويقىن دۇنيەجۇزىلىك سوعىستان كەيىن 1945 جىلدىڭ ماۋسىم ايىندا مۇلدەم جاڭا ۇيىمنىڭ قۇرىلۋى – بارشامىز ءۇشىن ايتۋلى ءارى تاريحي وقيعا. داگ حاممارشەلدتىڭ بىرىككەن ۇلتتار ۇيىمى ء«بىزدى جۇماققا جەتكىزۋ ءۇشىن ەمەس, توزاقتان قۇتقارۋ ءۇشىن قۇرىلعان» دەگەن قاناتتى ءسوزى بارشاعا ايان. باستاپقىدا بۇۇ ۇجىمدىق قاۋىپسىزدىكتى قامتاماسىز ەتۋ جۇيەسى رەتىندە قۇرىلعانىمەن, ءىس جۇزىندە الەم ەلدەرىن ورتاق ماقسات پەن مۇددەگە بىرىكتىردى. سونىڭ ارقاسىندا بەلسەندى ءارى اۋقىمدى حالىقارالىق ىنتىماقتاستىق ءداۋىرى ورنىقتى», - دەپ اتاپ ءوتتى قازاقستان پرەزيدەنتى. وسى ورايدا مەملەكەت باسشىسى بۇل جول جەڭىل بولماعانىن ەسكە سالدى.
«وكىنىشكە قاراي, وتكەن 75 جىل ىشىندە الەمدى قايعى-قاسىرەتتەن ارىلتۋعا باعىتتالعان ورتاق ماقساتتارىمىز بەن قۇندىلىقتارىمىزدى ىلگەرىلەتۋ جولىندا كوپتەگەن مۇمكىندىكتى قولدان جىبەرىپ الدىق. دەگەنمەن, ساتسىزدىكتەن دە, جەتىستىكتەن دە ساباق العان ءجون. بۇۇ-نىڭ تەرەڭ تاريحى بەلسەندى ۇجىمدىق كۇش-جىگەردىڭ ارقاسىندا كەڭ اۋقىمدى ماسەلەلەردى تالقىعا سالۋ كەزەڭى بولدى. اتاپ ايتقاندا, وتارسىزدانۋدان ءوسىپ-وركەندەۋگە, بالالاردى قورعاۋدان كليماتتىڭ وزگەرۋىنە, دەنساۋلىق ساقتاۋ ىسىنەن ادام قۇقىعىنا, بەيبىتشىلىكتى قولداۋدان بىتىمگەرشىلىككە دەيىنگى تاقىرىپتار قامتىلدى. سوڭعى وتىز جىلدا قازاقستان بۇۇ-نىڭ بارلىق باستى ورگاندارىندا, سونىڭ ىشىندە, قاۋىپسىزدىك كەڭەسىندە جانجالداردى رەتتەۋ, يادرولىق قارۋدى تاراتپاۋ جانە قارۋسىزدانۋ, تەرروريزمگە قارسى كۇرەس, كونفەسسياارالىق جانە ۇلتارالىق ديالوگ, تەڭىزگە شىعا المايتىن دامۋشى ەلدەردىڭ مۇددەسىن قورعاۋ سياقتى باسىمدىقتاردى دارىپتەۋگە اتسالىستى», - دەدى قاسىم-جومارت توقاەۆ.
«ال, ەندى بۇگىنگى زاماننىڭ سيپاتىنا زەر سالساق, كوپتەگەن جاڭا سىن-قاتەرلەر, سونداي-اق قايتا ەتەك العان كەيبىر تاۋەكەلدەر ءبىزدى وتكەن كەزەڭگە ورالتۋى مۇمكىن ەكەنىن بايقايمىز. قازىرگى تاڭدا مۋلتيلاتەراليزم زور قاتەرگە تاپ بولدى. مۇنداي احۋال قىرعي-قاباق سوعىس اياقتالعاننان بەرى تۋىنداماعان ەدى», - دەدى قر پرەزيدەنتى.