بۇل تۋرالى وبلىس اكىمى قۇمار اقساقالوۆ ءوزىنىڭ الەۋمەتتىك جەلىدەگى پاراقشاسىندا جاريالادى, دەپ حابارلايدى Egemen.kz.
ونىڭ جازۋىنا قاراعاندا بۇگىنگى تاڭدا وبلىستىڭ 7 اۋدانىنا قارايتىن 11 ەلدىمەكەنىندە قۇس تۇماۋىنىڭ شىعۋىنا بايلانىستى كارانتين جاريالانعان. بۇل تىزىمگە تاعى دا التى اۋىل قوسىلادى دەپ كۇتىلۋدە. قازىر جەدەل شتاب جۇمىس ىستەپ جاتىر. اۋماقتارعا دەزينفەكتسيا جاسالۋدا. رەسپۋبليكالىق ارنايى جاساق ولگەن قۇستاردى جويۋمەن اينالىسىپ جىتار. ءۇي قۇستارىنا ەكپە ەگىلۋدە. وبلىسقا 873 مىڭ دوزا وتاندىق ۆاكتسينا ءبولىندى. «ىندەتكە ۇشىراعان ءۇي قۇستارىنىڭ يەلەرىنە اقشالاي وتەماقى تولەنەدى. بۇل جۇمىسپەن ارنايى قۇرىلعان كوميسسيا اينالىسۋدا. سونداي-اق, قۇس شارۋاشىلىعىنداعى جۇمىس ورىندارىن ساقتاپ قالىپ, جۇمىرتقا مەن قۇس ەتىنىڭ باعاسىنىڭ وسۋىنە جول بەرمەۋ قاجەت. قۇس فابريكالارىندا جۇمىرتقانىڭ قاجەتتى قورى بار», - دەپ جازدى ءوڭىر باسشىسى قۇمار اقساقالوۆ.
سونىمەن بىرگە اكىم قۇس وسىرۋشىلەرگە قۇستاردى تابيعي سۋ قويمالارىنا, كولدەر مەن وزەندەرگە شىعارماۋ, ولاردى جابىق جەردە ۇستاپ, جابايى قۇستارمەن بايلانىستا بولدىرماۋ كەرەكتىگىن قۇلاققاعىس ەتتى.
سولتۇستىك قازاقستان وبلىسى