بيىلعى قاڭتار-شىلدە ايلارىندا رەسپۋبليكادا مۇناي ونىمدەرىنىڭ جالپى ءوندىرىسى 10,2 ملن توننانى قۇرادى, بۇل وتكەن جىلمەن سالىستىرعاندا 9% از, دەپ حابارلايدى Egemen.kz energyprom.kz سايتىنا سىلتەمە جاساپ.
دەگەنمەن بەنزين ءوندىرىسى جىل باسىنان بەرى 2,9 ملن توننانى قۇراپ, ءبىر جىل ىشىندە 3,3% ارتتى.
تامىز ايىندا بەنزين باعاسى وتكەن جىلدىڭ تامىزىمەن سالىستىرعاندا 2,4% قىمباتتادى. باعانىڭ ەداۋىر قىمباتتاۋى جامبىل (5,7%) جانە الماتى (4,3%) وبلىستارىندا, سونداي-اق الماتى قالاسىندا (4,2%) تىركەلدى. اي-98 ماركالى بەنزين ءبىر جىل ىشىندە 2,6%, تانىمال اي-92 بەنزينى 2,5%, اي-95/96 ماركالى بەنزين 1,2% قىمباتتادى. ديزەل, كەرىسىنشە, ءسال ارزاندادى – 1,2%.