"شىعىس – ادالدىق الاڭى" جوبالىق كەڭسەسىنىڭ جەتەكشىسى م.باحىت شىعىس قازاقستان وبلىسىنىڭ ءبىلىم باسقارماسىنىڭ قويماسىنا باردى, دەپ حابارلايدى Egemen.kz
قويمادا ۇكىمەت رەزەرۆىنەن بولىنگەن اقشاعا ساتىپ الىنعان 530 دانا كومپيۋتەر جابدىقتارى جانە ودان بولەك وسكەمەن قالاسىنداعى وبلىستىق مامانداندىرىلعان IT-مەكتەپ-ليتسەيىندە 2730 دانا كومپيۋتەر جابدىقتارى ساقتالعان. ولاردى ونلاين-وقىتۋعا قاجەتتى كەلىسىمشارتتا كورسەتىلگەن سيپاتتامالارعا سايكەستىگىن تەكسەرۋ ءۇشىن ءىت-تەحنولوگيالاردىڭ جەتەكشى ماماندارى تارتىلدى. ءاربىر پروگرامميست ءوزى تەكسەرگەن كومپيۋتەردىڭ تالاپتارعا ساي ەكەنىن راستاپ اكتىگە قول قويادى جانە ول ءۇشىن جاۋاپتى. قويماداعى كومپيۋتەرلەردى جوبالىق كەڭسە جەتەكشىسى قاراپ, ولاردىڭ تەحنيكالىق ەرەكشەلىكتەرىنە بايلانىستى سايكەستىگى مەن ساپاسىنا قوعامدىق مونيتورينگ جۇرگىزدى.
ايتا كەتكەنىمىز ءجون, مەكتەپتەگى كومپيۋتەرلىك تەحنيكا وبلىس وقۋشىلارى مەن پەداگوگتارىنا ۋاقىتشا پايدالانۋعا بەرىلەدى. ءوڭىر وقۋشىلارىن قاشىقتىقتان وقىتۋ ءۇشىن رەسپۋبليكالىق بيۋدجەتتەن 26 509 كومپيۋتەرلىك تەحنيكا ساتىپ الۋعا 4,1 ملرد قاراجات ءبولىندى.
"بۇگىندە وبلىستا ۇيدە كومپيۋتەرلىك تەحنيكاسى جوق 23 مىڭنان استام وقۋشىنىڭ ءتىزىمى جاسالعان. قازىر ولارعا مەكتەپتەردە بار كومپيۋتەرلەر ۇلەستىرىلىپ بەرىلگەن", دەيدى شقو ءبىلىم باسقارماسىنىڭ باسشىسى س. جۋماديلوۆا
بۇل ۇدەرىستىڭ اشىقتىعىن ايماقتىق سىبايلاس جەمقورلىققا قارسى ءىس-قيمىل دەپارتامەنتى مەن "شىعىس – ادالدىق الاڭى" جوبالىق كەڭسەسىنىڭ وكىلدەرى كىرەتىن ارنايى جۇمىس كوميسسياسى قاداعالايتىن بولادى.