امەريكالىق زەرتتەۋشىلەر اتاقتى "تيتانيك" لاينەرىنىڭ اپاتقا ۇشىراۋ سەبەبى باسقادا بولۋى مۇمكىن دەگەن مامىلەگە كەلدى, دەپ حابارلايدى Egemen.kz.
اقش-تىڭ تاۋەلسىز زەرتتەۋشىسى ميلا زينكوۆانىڭ ايتۋىنشا, ءتىرى قالعان كۋاگەر لوۋرەنس بيسلي جانە قۇتقارۋشى دجەيمس بيسسەت, سول ءتۇنى اتلانت مۇحيتىنىڭ ۇستىندە اسپاندا پوليار جارقىلى كورىنگەن. ەستەرىڭىزگە سالا كەتەيىك, سولتۇستىك پوليار جارىعى - جەر اتموسفەراسىنىڭ جوعارعى قاباتتارىنىڭ جارقىراۋى مەن كۇننىڭ بەلسەندىلىگىنە تىكەلەي بايلانىستى.
"تيتانيك تۋرالى جازاتىن ادامداردىڭ كوبى سول ءتۇنى سولتۇستىك شامدار كورىنەتىنىن بىلمەيدى", دەدى زينكوۆا.
ساراپاشى سول ءتۇنى كۇن ساۋلەسىنىڭ مۇحيتقا تىكەلەي ءتۇسۋى لاينەردىڭ ناۆيگاتسيالىق جۇيەسىنە اسەر ەتكەن دەپ ەسەپتەيدى. بۇل جاعداي باتىپ بارا جاتقان "تيتانيك" پەن باسقا كەمەلەر اراسىنداعى راديو سيگنالداردىڭ بۇعاتتالۋىنا اكەلىپ سوققان بولۋى دا مۇمكىن.
"ەگەر كومپاس تەك ءبىر گرادۋسقا اۋىسسا دا, بۇل وتە ۇلكەن وزگەرىس اكەلۋى مۇمكىن", دەيدى زەرتتەۋشى.
الايدا, زەرتتەۋشى ماگنيتتىك بۇزىلىستىڭ وڭ اسەرى دە بولۋى مۇمكىن دەپ سانايدى. ويتكەنى ول كەزدەيسوق باسقا كەمەنى اپاتتان ساقتاپ قالۋعا سەپ بولعان. ايتا كەتەيىك, سول ءتۇنى اپاتتان امان قالعانداردىڭ كەمەسىندە 705 ادام بولعان.
سونىمەن بىرگە, تيتانيك تاريحىنىڭ مامانى تيم مالتين سول كۇنگى داۋىل دا اپاتقا سايكەس كەلگەنىن راستادى. بىراق بۇل سونشا كوپ ادام قىرىلۋىنا الىپ كەلەتىندە سەبەپ ەمەس ەكەنىن دە العا تارتتى.
ەسكە سالايىق, تيتانيك 1912 جىلى ساۋىردە كانادا جاعالاۋىنان شامامەن 600 شاقىرىم جەردە ڭوڭگە سوقتىعىسقاننان كەيىن سۋعا باتقان. عالىمداردىڭ پايىمداۋىنشا, شامامەن 2030 جىلعا قاراي كەمەنىڭ قالدىقتارى تولىعىمەن جويىلىپ كەتۋى مۇمكىن.