جىل سوڭىنا دەيىن الماتى وبلىسىندا 4,2 ميلليارد تەڭگە سوماسىندا 27 تۋريزم نىسانىنىڭ قۇرىلىسىن اياقتاۋ جوسپارلانۋدا, دەپ حابارلايدى Egemen.kz الماتى وبلىسىنىڭ ءباسپاسوز قىزمەتىنە سىلتەمە جاساپ.
جالپى قۇنى 1 081 ميلليون تەڭگە سوماسىنا جەكە ينۆەستيتسيالاردى تارتۋ ارقىلى 14 تۋريستىك ينفراقۇرىلىم نىساندارى پايدالانۋعا بەرىلدى. وبلىستىق تۋريزم باسقارماسىنىڭ مالىمەتتەرىنە سۇيەنسەك, 2020 جىلدىڭ ءبىرىنشى جارتىجىلدىعىنىڭ قورىتىندىسى بويىنشا وبلىستا تۋريستەردى قابىلداۋعا ارنالعان 795 نىسان جۇمىس ىستەيدى. وتكەن جىلدىڭ ءتيىستى كەزەڭىمەن سالىستىرعاندا بيىلعى ءوسىم 4% جەتكەن.
بيىل وبلىستا 4,2 ميلليارد تەڭگەگە 27 تۋريستىك نىساننىڭ قۇرىلىسىن اياقتاۋ جوسپارلانۋدا. جەكە ينۆەستيتسيالاردى تارتا وتىرىپ, 1 081 ميلليون تەڭگە سوماسىنا تۋريزم ينفراقۇرىلىمىنىڭ 14 نىسانى پايدالانۋعا بەرىلدى. ول جامبىل اۋدانىنداعى 1 نىسان, الاكولدىڭ جاعالاۋىندا تۋريستەردى قابىلداۋعا ارنالعان 13 نىسان. اتالعان نىسانداردان تۇسكەن جەكە ينۆەستيتسيالار سوماسى 1061 ميلليون تەڭگە. ورنالاستىرۋ ورىندارىمەن قىزمەت كورسەتىلگەن كەلۋشىلەر سانى 421,9 مىڭ ادامدى قۇرادى. بۇل نەمەسە وتكەن جىلمەن سالىستىرعاندا 54%-عا كوپ. اقىلى تۋريستىك-ساۋىقتىرۋ قىزمەتتەرى 3621 ميلليون تەڭگە سوماسىندا كورسەتىلگەن. وتكەن جىلمەن سالىستىرعاندا 63%-عا ارتقان.
سونىمەن قاتار, تالعار تاۋ كلاستەرى اۋماعىندا "اپورت" جانە "اق بۇلاق" تاۋلى كۋرورتتارىن, "ەڭبەكشىقازاقتا "تۇرگەن" جانە رايىمبەك اۋداندارىندا "پارك كانونى" ويىن-ساۋىق كەشەندەرىن سالۋ بويىنشا ۇزاق مەرزىمدى ءىرى ينۆەستيتسيالىق جوبالاردى ىسكە اسىرۋ جۇمىسى جۇرگىزىلۋدە. جالپى سوماسى 542,7 ميلليارد تەڭگە جەكە ينۆەستيتسيا تارتۋ كوزدەلگەن. سونىمەن بىرگە, الاكول كولىنىڭ جاعاسىندا قۇنى 4 ميلليارد تەڭگەنى قۇرايتىن Alakol Apartments جازعى امفيتەاترى بار كوتتەدج قالاشىعىنىڭ جوباسىن ىسكە اسىرۋ جوسپارلانۋدا.
قازىر پاندەميا جاعدايىندا بارلىق ايماقتىق تۋريستىك نىساندار جۇكتەمەنىڭ 80%-ىن ساقتايتىنىن جانە بارلىق قاجەتتى سانيتارلىق-ەپيدەميالىق ستاندارتتار مەن تالاپتاردى قاتاڭ قاداعالايتىنىن اتاپ وتكەنىمىز ءجون.