بەيرۋت ايلاعىندا تاعى دا ءورت شىقتى

قالىڭ ءتۇتىندى تەڭىز ايلاعىنان ءۇش شاقىرىم جەردە بايقاۋعا بولادى. OTV جاڭالىقتارىندا حابارلاعانداي, ءورتتىڭ شىعۋ سەبەبى پورتتاعى قوقىستىڭ جانۋىنان بولعان دەسە, ال باسقا دا بۇقارالىق اقپارات قۇرالدارىنىڭ مالىمەتىنشە, Duty Free اۋماعىنداعى انگارلاردىڭ بىرىنەن ءورت تۇتانىپ, ارتى قىزىل جالىنعا ۇلاسقان.

وقيعا ورنىنا جەدەل ءورت ءسوندىرۋ جانە اسكەري ءبولىمنىڭ مۇشەلەرى كەلىپ ءورتتى اۋىزدىقتاعان.

ەسكە سالا كەتەيىك, 4 تامىز كۇنى بەيرۋت پورتىندا جويقىن جارىلىس بولىپ, جۇزدەگەن تۇرعىن ءۇي مەن كولىكتىڭ ساۋ-تامتىعى قالماعان ەدى. جارىلىستىڭ سەبەپتەرى 2014 جىلى كەدەن قىزمەتكەرى تاركىلەگەن 2750 توننا اممياك سەليتراسىنىڭ جارىلۋىنان بولعان. ودان 190 ادام قازا تاۋىپ, 6 مىڭنان استام ادام جاراقات العان. ليۆان استاناسى اپاتتىق ايماق دەپ تانىلىپ, قالاعا 19 قىركۇيەككە دەيىن توتەنشە جاعداي ەنگىزىلدى.